بيىلعى جارتىجىلدىقتا نان-توقاش، ماكارون ونىمدەرى مەن ۇننان جاسالعان كونديتەرلىك ونىمدەردى ءوندىرۋ كولەمى 111 ملرد تەڭگە بولعان، بۇل الدىڭعى جىلمەن سالىستىرعاندا 11،8%-عا از كورسەتكىش.
جىل بويى نان باعاسى 6%-عا قىمباتتاعان، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
جالپى، نان، ماكارون جانە ۇننان جاسالعان كونديتەرلىك ونىمدەر ءوندىرىسىنىڭ تومەندەۋى بايقالادى.
جاڭا پىسكەن نان ءوندىرىسى 21،3%-عا ازايعان، ياعني 266،6 مىڭ تونناعا دەيىن. ماكارون ونىمدەرى، كەسپە، كۋسكۋس جانە باسقا ۇن ونىمدەرىنىڭ شىعارىلۋى دا 17،9%-عا، 75،6 مىڭ تونناعا دەيىن تومەندەدى.
ۇزاق ساقتاۋعا ارنالماعان تورتتار مەن كونديتەرلىك ونىمدەردىڭ ءوندىرىسى 17،7%-عا 13،9 مىڭ تونناعا دەيىن ازايعان. تەك قانا پەچەنە، كونديتەرلىك ونىمدەر مەن ساقتاۋعا ءتوزىمدى پيروجنىيلار وندىرىسىندە بولماشى ءوسىم بايقالادى - 0،8% -عا، ياعني 56،5 مىڭ تونناعا دەيىن.
سونىمەن قاتار، نان باعاسى ءبىر جىل ىشىندە بىردەن 5،9% ءوستى. قارا بيداي مەن بيداي نانى 9،2%-عا قىمباتتادى. ماكارون ونىمدەرى 10،3%-عا قىمباتتادى، ونىڭ ىشىندە كەسپە ونىمدەرى 11،6%-عا ءوستى. نان-توقاش جانە ۇننان جاسالعان كونديتەرلىك ونىمدەر 8،2% قىمباتتادى.