تابيعاتتىڭ سىرىن ىشىنە بۇككەن قۇبىلىستارىنىڭ ءبىرى – نايزاعايدىڭ ەڭ باستى قۇپيالارىنىڭ ءبىرى بەلگىلى بولدى.
ونداعى تەمپەراتۋرا كۇننىڭ بەتكى جاعىنداعى تەمپەراتۋرادان بىرنەشە ەسە اسىپ تۇسەدى. بۇل جايىندا Almaty-akshamy.kz islam.kz پورتالىنا سىلتەمە جاساي وتىرىپ ءمالىم ەتەدى.
ادامزات نايزاعايدى ەجەلدەن زەرتتەپ كەلەدى. تەك تاياۋدا عانا ونىڭ تەمپەراتۋراسىن ولشەۋدىڭ ورايى كەلگەن. مۇنى العاش رەت جۇڭگو عالىمدارى جۇزەگە اسىرا العان. زەرتحانادا جاساندى رازريادتاردى زەرتتەي كەلە جۇڭگو عالىمدارى وسىنداي قورىتىندى جاساپ وتىر. ادەتتە بىردە-بىر تەرمومەتر توزبەيتىن نەمەسە شىداس بەرمەيتىن مۇنداي تەمپەراتۋرانى جۇڭگو عالىمدارى قالاي بىلگەن؟ نايزاعاي جارقىلىمەن كورىنىس بەرەتىن قۇبىلىس – ونىڭ جارقىلى ىشكى زارياد تەمپەراتۋراسىنا بايلانىستى ءوربيدى، ياعني، تەمپەراتۋرا نەعۇرلىم جوعارى بولسا، جارقىلى دا سوعۇرلىم جارىق بولماق. وسى زاڭدىلىقتى ەسكەرگەن جۇڭگو عالىمدارى جارىق قارقىنىن ءتۇرلى تولقىندا ولشەپ كورىپ، تەمپەراتۋراسىن ەسەپتەپ شىعاردى. بۇدان بولەك، بۇل تاراپتاعى تاجىريبە بارىسىندا ولار توك كۇشى مەن رازرياد ساتىندەگى نايزاعاي تەمپەراتۋراسى اراسىنداعى بايلانىستىڭ لوگاريفمدىك زاڭمەن دە بايلانىستى بولاتىنىن انىقتاي العان. وسىلايشا، نايزاعايدىڭ 1-دەن 10 كا امپەرگە دەيىنگى تەمپەراتۋرا ايىرماشىلىعىن بىلە وتىرىپ، ءبىز رازرياد تەمپەراتۋراسىن 10-نان 100 كا-عا دەيىن ەسەپتەي الامىز. جۇڭگو عالىمدارىنىڭ بۇل زەرتتەۋ ءادىسى مەن ناتيجەسى الەمدىك عىلىمي قاۋىمداستىقتىڭ نزارىن وزىنە اۋداردى. نايزاعايدىڭ تەمپەراتۋراسى 30 000 ك-گە جەتۋى مۇمكىن ەكەنى بەلگىلى بولدى، بۇل شاما كۇن بەتىنىڭ تەمپەراتۋراسىنان (شامامەن 5772 ك) بىرنەشە ەسە اسىپ تۇسەدى! ءىس جۇزىندە نايزاعاي تەمپەراتۋراسى تۋرالى ءبىلىمنىڭ پايداسى جوق سياقتى كورىنۋى مۇمكىن. الايدا، شىن مانىندە، زاريادتىڭ ىشىندە بولىپ جاتقان پروسەستەردى ءتۇسىنۋ عالىمدارعا بولاشاقتا نايزاعايدى دالىرەك بولجاۋعا كومەكتەسەدى، سونداي-اق بۇل ءبىلىمدى نايزاعاي مەن نايزاعايدان قورعاۋدىڭ باسقا تەحنولوگيالارىن ازىرلەۋدە قولدانۋعا كومەكتەسەدى.