اتموسفەرالىق فرونتالدى بولىمدەر ق ر اۋماعىنىڭ باسىم بولىگىندە اۋا رايىنىڭ تۇراقسىزدىعىنا الىپ كەلەدى. نايزاعاي سوعىپ، داۋىل تۇرىپ، ارتى ءبۇرشاققا ۇلاسادى دەپ كۇتىلۋدە. ەلىمىزدىڭ وڭتۇستىك-شىعىسىنداعى تاۋلى ايماقتارىندا قاتتى نوسەر جاۋادى. ال رەسپۋبليكانىڭ باتىسىندا، وڭتۇستىك-باتىسىندا، سولتۇستىك-باتىسىندا، رەسپۋبليكانىڭ ورتالىعىندا انتيسيكلون سىلەمىنىڭ اسەرىنەن جاۋىن-شاشىن جاۋمايدى، دەپ حابارلايدى aqshamnews.kz «قازگيدرومەت» رمك باسپا ءسوز قىزمەتىنە سىلتەمە جاساپ.
رەسپۋبليكا بويىنشا جەل كۇشەيىپ، سولتۇستىكتە، سولتۇستىك-باتىستا، ەلدىڭ ورتالىعىندا تاڭەرتەڭ جانە تۇنگە قاراي تۇمان تۇسەدى.
«اباي، ۇلىتاۋ، باتىس قازاقستان، اتىراۋ، ماڭعىستاۋ، قىزىلوردا، اقتوبە، الماتى، شىعىس قازاقستان، قاراعاندى، جەتىسۋ وبلىستارىندا جوعارى ءورت ءقاۋپى كۇتىلەدى»، - دەپ ەسكەرتتى سينوپتيكتەر.