قايعىلى وقيعا قىزىل تەڭىز جاعالاۋىندا ورنالاسقان مارسا-الام قالاسىنىڭ جاعاجايىندا ورىن الدى. ANSA باسىلىمىنىڭ مالىمەتىنە سۇيەنسەك، شابۋىلعا ۇشىراعان تۋريستەر يتاليا ازاماتتارى بولعان، دەپ حابارلايدى aqshamnews.kz
قازا تاپقان دجانلۋكا دي دجويا 48 جاستا ەدى. ال جاراقات العان 69 جاستاعى پەپپينو فاپپاني اكۋلانى قۋىپ جىبەرمەك بولىپ سۋعا سەكىرگەن. ونىڭ قولى مەن اياعىنان جاراقات العانى بەلگىلى بولدى. الايدا Corriere باسىلىمى بۇل جاراقاتتاردىڭ اۋىر ەمەس ەكەنىن جانە ەر ادامنىڭ جاقىندا اۋرۋحانادان شىعاتىنىن جازدى.
جابىرلەنۋشىنىڭ ايەلى ولاردىڭ بەتماسكامەن سۋ استىن كورۋمەن (شنوركلينگ) جۇزۋگە رۇقسات ەتىلگەن جەردە جۇرگەنىن ايتادى. الايدا مىسىر بيلىگى اكۋلانىڭ تۋريستەرگە رۇقسات ەتىلمەگەن اۋماقتا شابۋىل جاساعانىن مالىمدەدى.
بۇگىن، 30 جەلتوقسان كۇنى، جاعاجاي ەكى كۇنگە جابىلادى. وقيعانىڭ ءمان-جايىن انىقتاۋ ءۇشىن جەرگىلىكتى بيلىك ارنايى كوميسسيا قۇردى.