مىڭنان استام عالىم عىلىمدى تاستاپ كەتكەن

ولار ءبىر ۇيىمنان ەكىنشىسىنە اۋىسپاعان.

ۇلتتىق ستاتيستيكا بيۋروسى جاريالاعان مالىمەتىكە سايكەس، بىلتىر زەرتتەۋشى سانى 21 617 بولعان، بۇل 2020 جىلعى كورسەتكىشتەن، شامامەن 5 پايىز كەم، دەپ حابارلايدى Almaty-akshamy.kz

سوڭعى بەس جىلداعى ديناميكاعا قاراعاندا زەرتتەۋ جوباسىمەن اينالىساتىن عالىم سانى بۇلاي كۇرت ازايماعان.

«عىلىمي زەرتتەۋلەرمەن اينالىساتىن مامانداردىڭ ازايۋى عىلىمي زەرتتەۋلەردىڭ ازايۋىمەن بايلانىستى وسى سالاعا بەرىلەتىن گرانتتاردىڭ ازايۋىمەن بايلانىستى، سونىمەن قاتار قانداي دا ءبىر جوباداعى ادامدار سانىنىڭ ازايۋىمەن بايلانىستى بولىپ وتىر. ەگەر ءبىر جوبادا بۇرىن 10 ادام جۇمىس ىستەسە، ءدال سول جوبانى جالعاستىرۋ ءۇشىن مۇمكىن كەلەسى جىلى 5 ادام عانا جۇمىلدىرىلدى»، دەدى ۇلتتىق ستاتيستيكا بيۋروسىنىڭ باسپا ءسوز حاتشىسى جازيرا مارات قىزى.

وسى اقپاراتتى جاريالاعان kursiv.media سايتى ءار ءتۇرلى عىلىمي ۇيىمداردىڭ كادرلىق قۇرىلىمىنا Data-اناليز جاساپ، عالىمدار ءبىر ۇيىمنان ەكىنشىسىنە اۋىسپاعانىن، دەمەك ولار جالپى عىلىم جولىنان كەتكەنىن جازادى. باسىلىمنىڭ تۇجىرىمىنا سايكەس، ەڭبەك نارىعىنا عىلىمداعى تابىس دەڭگەيى اسەر ەتۋى مۇمكىن. ماسەلەن، جوعارى وقۋ ورىندارىنداعى عالىمداردىڭ ورتاشا ايلىق ەڭبەكاقىسى بىلتىر 253 مىڭ تگ بولىپتى، ال عىلىمي جوبامەن اينالىساتىن ىزدەنۋشىلەردىڭ ايلىعى 281 مىڭ تگ بولعان. بۇل ءوندىرىس پەن قارجى سالاسىنداعى مامانداردىڭ جالاقىسىنان ازىراق.