مىڭجىلقى بەردىقوجايەۆ: پرەزيدەنتتىڭ مەديسينا جايىندا ايتقان سىنى ورىندى 

«مەديسينالىق مەكەمەلەردىڭ قىزمەتىندە ورتاق ءبىر جۇيە جوق»

وسىلاي دەگەن سالا مامانى مىڭجىلقى بەردىقوجايەۆ ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ مەديسينا جايىندا ايتقان سىنى ورىندى دەگەن پىكىر ءبىلدىردى، دەپ حابارلايدى Almaty-akshamy.kz Almaty.tv-گە سىلتەمە جاساپ.

«مەديسينالىق قىزمەت كورسەتۋ ءار پلاتفورمادا جۇزەگە اسادى. ۇكىمەتتىڭ بەكىتكەن جۇيەسىنەن بولەك، دارىگەرلەر بۇرىننان قولايلى قوسىمشا ىشكى سەرۆيستەردى قولدانۋعا ءماجبۇر. ماسەلە - سونىڭ ءبارىن بىر-بىرىنە كىرىكتىرەتىن ورتاق جۇيەنىڭ جوقتىعىندا. ءبىر جۇيەدە ناۋقاستارعا دارىلەر تاعايىندايتىن بولساق، پاسيەنتتى ەمدەۋگە قاراجات ىزدەۋ ءۇشىن ەكىنشى جۇيەگە جۇگىنۋگە ءماجبۇرمىز» دەيدى دارىگەر مىڭجىلقى بەردىقوجايەۆ.

ال انا مەن بالا ولىمىنە قاتىستى سالا ساراپشىسى ايى-كۇنى جەتپەي تۋعان بالانى كۇتىپ، اياققا تۇرعىزۋعا بارلىق پەرزەنتحانادا جاعداي جاسالماعان دەپ وي قوستى.

«پەرزەنتحانالاردىڭ قاراجاتپەن قامتاماسىز ەتۋىن جاي عانا ەكونوميكالىق تۇرعىدا قارايتىن بولساق، ەشكىم اۋرۋحانالارعا 1 ملرد تۇگىلى 100 ملن تەڭگە اقشا بولگەن جوق. ونداي قاراجات بولىنبەسە، قۇرال-سايماندار الىنباسا، كىشكەنتاي شاقالاق بالانىڭ ءومىرىن قالاي ساقتاپ قالامىز»، – دەدى «ورتالىق كلينيكالىق اۋرۋحاناسى» اق نەيروحيرۋرگيا ءبولىمىنىڭ مەڭگەرۋشىسى مىڭجىلقى بەردىقوجايەۆ.