مىڭ جىلدىق تاريحى بار ويىن

الماتىدا توعىزقۇمالاقتان وقۋشىلار اراسىندا  الەم چەمپيوناتى اياقتالدى

الماتىدا ADD ۇستەل تەننيسى ورتالىعىندا ءتورت كۇن بويى تورتكۇل دۇنيەدەن جيىلعان وقۋشىلار اراسىندا توعىزقۇمالاقتان الەم چەمپيوناتى (U-15، U-17) ۇيىمداستىرىلدى.

توعىزقۇمالاقتان راپيد پەن بليس تۇرىنەن مەكتەپ وقۋشىلارى اراسىنداعى جاھاندىق جارىسقا 16 ەلدەن: قازاقستان، وزبەكستان، تۇركيا، رۋمىنيا، ۆەنگريا، يسپانيا، قىرعىزستان، پولشا، تاجىكستان، موڭعوليا، رەسەي، تۇركىمەنستان، چەحيا، كولۋمبيا، ت.ب. ەلدەردەن كەلگەن 63 سپورتشى ۇل-قىز قاتىستى.

مىڭ جىلدىق تاريحى بار ۇلتتىق ويىن  توعىزقۇمالاق – قازاق ۇلتىنىڭ الەمدىك مادەني مۇراعا قوسقان ۇلەسىنىڭ جارقىن ۇلگىسى. 2020 جىلى توعىزقۇمالاق يۋنەسكو شەشىمىمەن ادامزاتتىڭ مادەني مۇرا تىزىمىنە ەنگىزىلدى. ايتا كەتەرلىگى، بيىل توعىزقۇمالاق كۇنىندە (9 قىركۇيەك) الماتىداعى دەندروپارك اۋماعىندا 2028 مەكتەپ وقۋشىسى ءبىر مەزەتتە توعىزقۇمالاق ويىنىن ويناپ، قازاقستاننىڭ «گيننەسس رەكوردتار كىتابىنا» ەنگەن بولاتىن.  

الماتى قالاسى توعىزقۇمالاق فەدەراسيانىڭ وكىلدەرىن اڭگىمەگە تارتىپ، «الەم چەمپيوناتى نە سەبەپتى وقۋشىلار اراسىندا وتكىزىلىپ وتىر؟» دەگەن ساۋالعا جاۋاپ ىزدەگەنبىز. ولار مۇنىڭ سىرىن بىلايشا ساباقتادى: «بىرىنشىدەن، وقۋشىلار – ەڭ ۇيىمشىل ۇجىم. ەكىنشىدەن، ولار وسكەن سوڭ جوعارى ليگادا، جوعارى توپتا ويناۋعا مۇمكىندىك الادى. سوندىقتان بۇل سايىس – ولار ءۇشىن الەمدىك دەڭگەيگە ازىرلىك»،  – دەيدى فەدەراسياداعىلار.

شىنى كەرەك، توعىزقۇمالاق – سونشاما قوماقتى قاراجاتتى قاجەت ەتپەيتىن سپورت ءتۇرى. بۇل رەتتە مەملەكەت باسشىسىنىڭ قارجىنى از قاجەت ەتەتىن سپورت تۇرلەرىن دامىتۋ جايىندا ايتقان تاپسىرماسى دا ەسكەرىلدى. ونىڭ ۇستىنە، توعىزقۇمالاقپەن تۇراقتى اينالىساتىن بالالاردىڭ وقۋ ۇلگەرىمى دە جاقسى بولاتىنىن ۇستازداردىڭ ءوزى راستاپ وتىر. لوگيكاعا (قيسىن) نەگىزدەلگەن ۇلتتىق ويىننىڭ بالالارعا دا بەرەرى مول.

الەمدىك دەڭگەيدەگى سپورت جارىسىنا ەڭ كەمى 4 وقۋشىدان كەلۋى كەرەك. ەڭ از كەلگەنى – ءۇش ويىنشى (كولۋمبيا)، كوپ كەلگەنى – قىرعىز ەلىنەن (8 ويىنشى). بۇل جارىسقا «الاڭ يەلەرى» سانالاتىن ەلىمىزدەن 28 ويىنشى قاتىستى. سايىس قورىتىندىسىندا . قازاقستان قۇراما كومانداسى «راپيد» جانە «بليستە» التىنعا قول جەتكىزدى.«راپيد» بويىنشا ماحمۇتجان ءازىمحان، ەرنۇر باتىر، ايدانا مولدابەك جانە ايانا يساحان التىننان القا تاقسا، «بليس» بويىنشا ساميرا ورازمۇحانبەت، ادىلەت بەكماحان، ۆيكتوريا بەليسكايا جانە ساپار تامەرلان جارىس چەميوندارى اتاندى.

الەم چەمپيوناتىنىڭ قورىتىندىسىن نازارلارىڭىزعا ۇسىنامىز:

راپيد:

U-15 - ۇلدار

1. ماحمۋتجان ءازىمحان (قازاقستان)


2. لەس زاۋىتبەك (قازاقستان)


3. نۋرەل سۋلتاشيەۆ (قىرعىزستان)


4. ورلاندو گۆيدو ۆەرگەل بەنيتەس (كولۋمبيا)

U-15 - قىزدار

1. ايدانا مولدابەك (قازاقستان)


2. باحييانا تۋرگۋنالييەۆا (قىرعىزستان)


3. ەركەجان اسانكۋلوۆا (قىرعىزستان)


4. مادينا ەسقايىر (قازاقستان)

U-17 - ۇلدار

1. ەرنۇر باتىر (قازاقستان)


2. نادير احمەتوۆ (قازاقستان)


3. بايمبەت سەيداحماتوۆ (قىرعىزستان)


4. الەحاندرو دانيەل حيرون چيليتو (كولۋمبيا)

U-17 - قىزدار

1. ايانا يساحان (قازاقستان)


2. بالنۇر تىلەگەنوۆا (قازاقستان)


3. ايانا تۋرگانالييەۆا (قىرعىزستان)


4. الەكساندرا جاۆورونكوۆا اميگو (يسپانيا)

بليس:

U-15 - ۇلدار

1. ساپار تامەرلان (قازاقستان)


2. ەسەنتاي ارسەن (قازاقستان)


3. لەس زاۋىتبەك (قازاقستان)


4. ماحمۋتجان ءازىمحان (قازاقستان)

U-15 - قىزدار

1. ۆيكتوريا بەليسكايا (قازاقستان)


2. البينا ەسمۇحان (قازاقستان)


3. نازيرا قۋاتجان قىزى (قازاقستان)


4. جانەل قۇرمانعالييەۆا (قازاقستان)

U-17 - ۇلدار

1. ادىلەت بەكماحان (قازاقستان)


2. ايدىن جاقييەۆ (قازاقستان)


3. قايرات تۇراربەك (قازاقستان)


4. سالاحاددين اگيتايەۆ (قازاقستان)

U-17  - قىزدار

1. ساميرا ورازمۇحانبەت (قازاقستان)


2. ايانا يساحان (قازاقستان)


3. ايىم الىبەك قىزى (قازاقستان)


4. اقجىبەك ماناربەك قىزى (قازاقستان)