5 مىڭ اۋىل وقۋشىسى «مىڭ بالا» رەسپۋبليكالىق وليمپياداسىنىڭ ەكىنشى تۋرىنا قاتىسادى،دەپ حابارلايدى Almaty-akshamy.kz. 24.kz-كە سىلتەمە جاساپ.
بيىل كەشەندى تەستىلەۋ تەك 6 سىنىپ وقۋشىلارىنا ارنالعان. وليمپيادا ماتەماتيكالىق ساۋاتتىلىق، جاراتىلىستانۋ، قازاق، ورىس جانە اعىلشىن ءتىلى سەكىلدى بىرنەشە ءپان بويىنشا جۇرگىزىلەدى. بايقاۋ جەڭىمپازدارى دارىندى بالالارعا ارنالعان مامانداندىرىلعان مەكتەپتەردە وقي الادى. سونداي-اق، تەست اياقتالعاننان كەيىن ءاربىر قاتىسۋشىعا «بىرگە وقى» ونلاين-مەكتەبىنە كىرۋ مۇمكىندىگى بەرىلەدى. بۇل وليمپيادا وسىمەن ءتورتىنشى جىل قاتارىنان اۋىل مەكتەپتەرىنىڭ وقۋشىلارىنا ساپالى ءبىلىم الۋعا مۇمكىندىك بەرىپ كەلەدى. ءبىرىنشى تۋر 3-7 ءساۋىر ارالىعىندا ءوتتى، وعان 81 مىڭ وقۋشى قاتىسقان. ناتيجەلەر 10 مامىرعا دەيىن جاريالانادى.
- ەڭ جوعارى بالل العان 1000 بالانى تاڭدايمىز دا وليمپيادانىڭ اتى مىڭ بالا عوي. سول ءۇشىن. سول مىڭ بالاعا مامانداندىرىلعان مەكتەپتەرگە كونكۋرستان تىس كۆوتا بويىنشا تۇسۋگە مۇمكىندىك بار. ول مامىردىڭ اياعىندا ءتۇسۋ باستالادى. قالاعان مەكتەپكە ءوتىنىش بەرۋگە بولادى، - دەيدى «مىڭ بالا» زياتكەرلىك وليمپياداسىنىڭ ۇيلەستىرۋشىسى ايجان ارشابايەۆا.