گەرمانيا استاناسىندا مۇستافا شوقاي تۋرالى كىتاپتىڭ تۇساۋكەسەرى ءوتتى.
قازاقتىڭ تانىمال قوعام جانە ساياسي قايراتكەرى جايلى تۋىندى نەمىس تىلىندە جارىق كوردى. يگى ءىس بەرليندەگى نەمىس-قازاق قوعامى مەن قازاق دياسپوراسىنىڭ قولداۋىمەن جۇزەگە استى، دەپ حابارلايدى اlmaty-akshamy.kz 24.kz-كە سىلتەمە جاساپ.
"مۇستافا شوقاي فەنومەنى" كىتابىندا قوعام قايراتكەرىنىڭ ءومىرى مەن ساياسي عۇمىرى جايلى باياندالادى. تۋىندى تاريحشى باقىت سادىقوۆ پەن مۇستافا شوقايدىڭ جۇبايىنىڭ ەستەلىكتەرىنە سۇيەنە وتىرىپ جازىلعان.
باكىر ابدىجالەل، قورقىت اتا اتىنداعى قىزىلوردا ۋنيۆەرسيتەتى "شوقايتانۋ" ورتالىعىنىڭ عىلىمي باسشىسى: - مۇستافا شوقايعا قاتىستى كىتاپتىڭ نەمىس تىلىندە شىعۋى جانە ونىڭ ءومىربايانىن كورسەتۋ جانە ونىڭ فرانسيادا بولىپ كوپ جىلدار وسى تاقىرىپقا ەڭبەك ەتكەن باقىت سادىقوۆتىڭ ەڭبەگىنىڭ كىرۋى مۇستافانىڭ جارى تەڭدەسسىز ەڭبەك ەتكەن ءبىزدىڭ انامىز ءماريا شوقايدىڭ "مەنىڭ مۇستافام" دەگەن كىتابىنىڭ نەمىس تىلىندە شىعىپ وتىرۋى ءبىز ءۇشىن ۇلكەن قۋانىش. مۇستفا شوقايدىڭ رۋحى، بيىكتىگى الەمگە تانىمالدىعى بۇگىن تاعى دا ايقىندالدى. كوپ اڭگىمە قوزعالدى. مەنىڭشە مۇستافا شوقايدى تانۋدىڭ جاڭا ءداۋىرى باستالعان سياقتى.
كىتاپتا كوپتەگەن جاڭا مۇراعاتتىق ماتەريالدار قولدانىلعان. تۋىندىنىڭ نەمىس تىلىندە جارىق كورۋى جەرگىلىكتى وقىرماندارعا شوقايدى جاقىن تانۋىنا مۇمكىندىك بەرىپ وتىر.
بريگيتتا براۋەر، جۋرناليست: - مۇنداي كىتاپتاردى اۋدارۋ وتە ماڭىزدى. ويتكەنى ءبىز گەرمانيادا قازاقتىڭ تانىمال تۇلعالارىن از بىلەمىز. ولاردىڭ ىشىندە ومىرلىك جولى ەلىمىزبەن بايلانىستى بولعان مۇستافا شوقاي دا بار. وسى سەبەپتى بۇل شىعارما ءبىز ءۇشىن وتە قۇندى. سالتانات سەكسەمبايەۆا، مۇستافا شوقاي مۋزەيىنىڭ باسشىسى: - ءبىز بۇگىن الەمگە ايگىلى ساياسي قايراتكەر مۇستافا شوقاي تۋرالى بايانداپ بەردىك. ول وتانىمىز ءۇشىن ايانباي ەڭبەك ەتكەن قايراتكەر. سوندىقتان وسىنداي حالىقارالىق دەڭگەيدە شارا وتكىزۋ وتە ورىندى. كەلەشەكتە وسى باعىتتاعى ىنتىماقتاستىعىمىزدى جالعاستىرماق ويدامىز.
كەلەر جىلى تۇركيادا مۇستافا شوقايعا ارنالعان كورمە وتكىزۋ جوسپارلانىپ وتىر. كوپشىلىك نازارىنا قازاقتىڭ ءبىرتۋار ۇلى جايلى مۇراعاتتاردا ساقتالعان بىرەگەي قولجازبالار مەن جادىگەرلەر ۇسىنىلادى.
يستوچنيك: https://24.kz/kz/zha-aly-tar/m-denie/item/629638-m-stafa-sho-aj-fenomeni-nemis-tilinde-zhary-k-rdi
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www.24.kz