مۇسىرەپوۆ اتىنداعى بالالار تەاترىنا جاڭا ديرەكتور كەلدى

ەسەنالييەۆ تالعات قامقاباي ۇلى اتالعان مادەني نىساننىڭ ديرەكتورى قىزمەتىنە تاعايىندالدى

الماتىعا جاساعان ءىس-ساپارى بارىسىندا ق ر مادەنيەت جانە سپورت ءمينيسترى داۋرەن ابايەۆ ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا جاڭا ديرەكتور تاعايىندادى، دەپ حابارلايدى Almaty-akshamy.kz.

جاڭا تاعايىنداۋ تۋرالى مادەنيەت جانە سپورت ءمينيسترى Facebook پاراقشاسىندا جازدى.

«الماتى قالاسىنا جاساعان ءىس-ساپار بارىسىندا ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا باردىم. تەاتردىڭ جۇمىسىمەن تانىسىپ، ەسەنالييەۆ تالعات قامقابايۇلىن اتالعان مادەني نىساننىڭ ديرەكتورى قىزمەتىنە تاعايىندادىم»،- دەپ جازدى داۋرەن ابايەۆ.

سونداي-اق مادەنيەت جانە سپورت ءمينيسترى بۇعان دەيىن تەاتردىڭ دامۋىنا ايتارلىقتاي ەڭبەك سىڭىرگەن ءۇشىن سۇراپبايەۆ ازامات ساتىبالدىۇلىنا العىس ءبىلدىرىپ، جاڭا ديرەكتور تالعات قامقابايۇلىنا جاۋاپتى قىزمەتتە ساتتىلىك تىلەدى.

ق ر مادەنيەت جانە سپورت مينيسترلىگى تاراتقان مالىمەتكە سايكەس،تالعات قامقاباي ۇلى ەسەنالييەۆ 1977 جىلى دۇنيەگە كەلگەن. ج.ەلەبەكوۆ اتىنداعى رەسپۋبليكالىق ەسترادا – سيرك كوللەدجىن «اكتەر جانە كوركەمسوز وقۋ شەبەرى» ماماندىعى بويىنشا بىتىرگەن. ورتا – ازيالىقۋنيۆەرسيتەتىن «قازاق ءتىلى مەن ادەبيەت ءپانىنىڭ وقىتۋشىسى» ماماندىعى بويىنشا، فگوۋدپو «راتي ىشىندەگى ساحنا ونەرى قايراتكەرلەرىنىڭ جوعارى مەكتەبىن» (رەسەي، ماسكەۋ ق.) «ساحنا ونەرىنىڭ شەبەرى» ماماندىعى بويىنشا، الماتى ۇزدىكسىز ءبىلىم بەرۋ ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا ءتامامداعان. ت.جۇرگەنوۆ اتىنداعى قازاق ۇلتتىق ونەر اكادەمياسىن «رەجيسسۋرا» ماماندىعى بويىنشا بىتىرگەن. ونەرتانۋ عىلىمدارىنىڭ ماگيسترى.

ەڭبەك جولىن 1997-2003 جىلدارى – م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ باس ادمينيستراتورى بولىپ باستاعان.
2003-2015 جىلدارى – م.اۋەزوۆ اتىنداعى قازاق مەملەكەتتىك اكادەميالىق دراما تەاتر ديرەكتورىنىڭ ءبىرىنشى ورىنباسارى؛
2015-2016 جىلدارى – ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى ديرەكتورىنىڭ ءبىرىنشى ورىنباسارى؛
2016 جىلدان مكقك «مەملەكەتتىك قۋىرشاق تەاترىنىڭ» ديرەكتورى قىزمەتىن اتقارعان.