مينيسترلىكتە ارنايى كەزدەسۋ ءوتتى.
مۇرات ابەنوۆ دەنساۋلىق ساقتاۋ ءمينيسترى اجار ءعينياتتىڭ پاسيەنتتەردىڭ قۇقىقتارىن قوعامدىق نەگىزدە قورعاۋ ماسەلەلەرى بويىنشا شتاتتان تىس كەڭەسشىسى بولدى، دەپ حابارلايدى Almaty-akshamy.kz مينيسترلىككە سىلتەمە جاساپ.
بۇل تۋرالى دەنساۋلىق ساقتاۋ ءمينيسترى اجار عينياتتىڭ بەلگىلى قوعام قايراتكەرى، ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى، تۇتىنۋشىلاردىڭ قۇقىقتارىن قورعاۋ كواليسياسىنىڭ ءتوراعاسى مۇرات ابەنوۆپەن كەزدەسۋىندە بەلگىلى بولدى.
«كەزدەسۋدە م.ابەنوۆ ءمامس-تىڭ اقشاسى قايدا كەتىپ جاتىر دەگەن سۇراق تۋىنداماس ءۇشىن ناۋقاستارعا شىعارىلعاننان كەيىن كورسەتىلگەن قىزمەتتەر مەن ولاردىڭ قۇنى كورسەتىلگەن تەكسەرۋ پاراعىن شىعارۋدى ۇسىندى. اجار عينيات مۇرات ابەنوۆكە مەديسينالىق كومەكتىڭ ساپاسىن جاقسارتۋ ىسىندەگى بەلسەندى ازاماتتىق ۇستانىمى ءۇشىن العىسىن ءبىلدىرىپ، پاسيەنتتەردىڭ قۇقىقتارىن قوعامدىق نەگىزدە قورعاۋ ماسەلەلەرى بويىنشا شتاتتان تىس كەڭەسشى بولۋدى ۇسىندى. مۇرات ابەنوۆ ءوز كەزەگىندە دەنساۋلىق ساقتاۋ مينيسترلىگى كورسەتىپ وتىرعان اشىقتىق پەن ايقىندىق ساياساتىن اتاپ ءوتىپ، مەديسينالىق كومەك تۇتىنۋشىلارىنىڭ قاناعاتتانۋشىلىعىن ارتتىرۋ ءۇشىن بار كۇشىن سالاتىنىنا سەندىردى»، - دەلىنگەن مينيسترلىك حابارلاماسىندا.