قارۋلى كۇشتەر قاتارىن 45 بوزبالا تولىقتىرادى.
الماتىدا مەرزىمدى اسكەري قىزمەتكە كۇزگى شاقىرۋ ناۋقانى باستالدى، دەپ حابارلايدى Almaty-akshamy.kz
بولاشاق جاۋىنگەرلەر قونايەۆ قالاسىنداعى اۋە شابۋىلداۋ بريگاداسىنىڭ قۇرامىندا وتان الدىنداعى بورىشىن وتەيدى.
قورعانىس ىستەرى جونىندەگى دەپارتامەنتتىڭ مالىمەتىنشە، بيىل الماتىدان 3 مىڭعا تارتا جىگىتتى اسكەرگە شاقىرۋ جوسپارلانعان. جارتىسىنا جۋىعى كوكتەمدە اسكەرگە اتتانىپ كەتكەن. ال وسى جولى تاعى مىڭ جارىم ازامات شاقىرۋ قاعازىن الادى.
28 گۆاردياشىل-پانفيلوۆشىلار ساياباعىندا وتكەن سالتاناتتى جيىندا بۇرىن اسكەرگە الىنعان ساربازدار جاۋىنگەرلىك ۇرىس تاسىلدەرىن كورسەتتى.
«ءقازىر ءبىز 250-دەي اداممەن شەكارا اسكەرىن جاپتىق. ءقازىر ءبىز قارۋلى كۇشتەرىنە جىبەرىپ جاتىرمىز. وسىدان كەيىن ۇلتتىق ۇلانعا جىبەرەمىز. سونىمەن ءبىز جەلتوقساننىڭ اياعىنا تامان كۇزگى اسكەري ناۋقاندى تولىعىمەن جابامىز. بىزدە شاقىرتۋعا بايلانىستى ەشقانداي پروبلەما جوق. ءوز بەتىمەن كەتىپ بارا جاتقاندار قانشاما، قانشا ادام شىعارىپ سالۋعا كەلگەن. جاستارىمىزدىڭ پاتريوتتىق رۋحىن كوتەرىپ، قارۋلى كۇشتەردىڭ ءيميدجىن كوتەرۋ ءۇشىن وسىنداي شارالاردى وتكىزەمىز»، - دەيدى الماتى قالاسى قورعانىس ىستەرى جونىندەگى دەپارتامەنتىنىڭ باسشىسى فارحات قۇرمانعاجينوۆ.