قوعام قايراتكەرلەرى الماتى اكىمى ب. ساعىنتايەۆتىڭ سالىنىپ جاتقان ەكى مەترو بەكەتتىڭ اتاۋىن وزگەرتۋ تۋرالى باستاماسىن قولدادى دەپ حابارلايدى almaty-akshamy.kz
«سۇلتانبەك قوجانوۆ» قوعامدىق بىرلەستىگىنىڭ ءتوراعاسى مۇقان ءابدىراحمان ۇلى ەلىمىزدىڭ ءاربىر ازاماتى كورنەكتى تۇلعالاردىڭ ءومىرى مەن قىزمەتى تۋرالى ءبىلۋى جانە ەستە ساقتاۋى ءتيىس دەپ ەسەپتەيدى.
«بۇل ەسىمدەر ءبىر كەزدەرى قازاقستاننىڭ داڭقىن شىعاردى. ولار وسكەلەڭ ۇرپاقتىڭ جادىندا قالۋى كەرەك. تاريحي تۇلعالاردىڭ قادىر-قاسيەتىن ءبىلۋ، ولاردىڭ ەسىمىن ۇلىقتاۋ ءارى ماڭگىلىك ەتۋ – ءبىزدىڭ ۇرپاقتىڭ اتا-بابالار الدىنداعى بورىشى. مەن مەترو بەكەتتەرىنە باۋىرجان مومىش ۇلى مەن قاراساي باتىردىڭ ەسىمىن بەرۋدى تولىق قولدايمىن»، - دەدى مۇقان ءابدىراحمان ۇلى.
ول سونىمەن قاتار باۋىرجان مومىش ۇلىنىڭ جاي عانا حالىق باتىرى ەمەس، ۇلى وتان سوعىسى كەزىندەگى اسكەري قولباسشى بولعانىن قوستى. ونىڭ ەسىمى ەرەكشە قۇرمەتكە لايىق. ول پولكتى، كەيىن ديۆيزيانى باسقارعان كرەاتيۆتى ويشىل اسكەري باسشى بولدى. قاراساي باتىر دا اسكەري قولباسشى بولعان، ايگىلى وربۇلاق شايقاسىنا قاتىسىپ، جوڭعارلارمەن سوعىسىپ، جەتىسۋدا ءبىر ەمەس، بىرنەشە رەت جەڭىسكە جەتكەن.
بۇرىندارى حابارلانعانداي، ءماسليحات دەپۋتاتتارى مەگاپوليس اكىمىنىڭ «زاپادنىي» اۆتوۆوكزالى اتالۋى ءتيىس بولاشاق ۆوكزالدىڭ اتاۋىن «قاراساي» ستانساسىنا وزگەرتۋ تۋرالى ۇسىنىسىن قولدادى. ولاردى «ب. مومىش ۇلى» جانە «قاراساي» اتاۋ ۇسىنىلدى.
دوستىق بەكەتى اباي داڭعىلى مەن مومىش ۇلى كوشەسىنىڭ قيىلىسىندا سالىنىپ جاتىر. ونىڭ تەحنيكالىق ىسكە قوسىلۋى وسى جىلدىڭ سوڭىنا جوسپارلانعان. «زاپادنىي» اۆتوۆوكزال بەكەتى الماتى وبلىسى قاراساي اۋدانىنىڭ شەكاراسىندا سالىنادى.
بەلگىلەنگەن ءتارتىپ بويىنشا اكىمدىكتىڭ قاۋلىسى مەن الماتى قالاسى ءماسليحاتىنىڭ شەشىمى رەسپۋبليكالىق ونوماستيكالىق كوميسسياعا جىبەرىلەدى، وندا تۇپكىلىكتى شەشىم قابىلدانادى.