ەنەرگەتيكا ءمينيسترى الماسادام ساتقالييەۆ ۇكىمەت وتىرىسىندا «جۇمىسشى ماماندىقتارى جىلى» اياسىندا جۇرگىزىلىپ جاتقان جۇمىستار تۋرالى باياندادى.
ول بۇگىنگى تاڭدا رەسپۋبليكانىڭ وتىن-ەنەرگەتيكالىق كەشەنى سانالاتىن 1671 كاسىپورىندا 303 مىڭنان استام ءتۇرلى كاسىپ قىزمەتكەرلەرى جۇمىس ىستەيتىنىن اتاپ ءوتتى.
2030 جىلعا دەيىن وەك سالالارىندا قۇرىلىس كەزەڭىندە دە، تۇراقتى جۇمىس ورىندارىندا دا 83 مىڭنان استام ساپالى جۇمىس ورىندارىن قۇرا وتىرىپ، 99 جوبانى ىسكە اسىرۋ جوسپارلانۋدا.
مۇناي-گاز سالاسىنداعى جوبالاردى ىسكە اسىرۋ مۇناي-گاز سالاسىنىڭ دا، ارالاس سالالاردىڭ دا تەحنيكالىق ماماندىقتارى ءۇشىن شامامەن 22 مىڭ جۇمىس ورنىن اشۋعا مۇمكىندىك بەرەدى.
مۇناي-گاز حيمياسىنا 6 ءىرى جوباعا 21 مىڭنان استام قىزمەتكەر تارتىلاتىن بولادى، ونىڭ ىشىندە 18 مىڭى ۋاقىتشا جانە 3 مىڭنان استامى تۇراقتى جۇمىس.
ەلەكتر ەنەرگەتيكاسىندا 72 جوبادا، ونىڭ ىشىندە 32 جاڭارتىلاتىن ەنەرگەتيكا جوباسىندا 41 مىڭنان استام جۇمىس ورنى، ۋاقىتشا 35 مىڭنان استام جانە تۇراقتى 6 مىڭعا جۋىق جۇمىس ورنى اشىلادى.
«اتوم ەلەكتر ستانساسىن سالۋ جوباسى بويىنشا 2030 جىلعا قاراي 5 مىڭعا جۋىق ادام، ال 2032 جىلى قۇرىلىستىڭ شارىقتاۋ كەزەڭىندە 10 مىڭعا جۋىق ادام جۇمىس ورىندارىمەن قامتاماسىز ەتىلەتىن بولادى. پايدالانۋ كەزەڭىندە جوبا كەمىندە 2 مىڭ ادامدى جۇمىس ورىندارىمەن قامتاماسىز ەتەدى. جاڭا جوبالاردان باسقا، جۇمىس ىستەپ تۇرعان وەك كاسىپورىندارىندا 2025-2029 جىلدار كەزەڭىندە كادرلارعا جالپى قاجەتتىلىك قوسىمشا 16 مىڭعا جۋىق جۇمىس ورنىن قۇرايدى»، — دەپ تولىقتىردى الماسادام ساتقالييەۆ.