مۇمكىندىگى شەكتەۋلى جاندار – قوعامنىڭ ماڭىزدى بولىگى. ولار ءوز قابىلەتى مەن تالانتىنىڭ ارقاسىندا ءبىلىم الىپ، جۇمىسقا ورنالاسىپ، قوعاممەن بىرگە ءومىر سۇرە الادى.
مەملەكەت بۇل ازاماتتاردىڭ ءومىر ساپاسىن جاقسارتۋ ءۇشىن ءتۇرلى قولداۋ كورسەتىپ، كەدەرگىسىز ورتا قالىپتاستىرۋ باعىتىندا جۇيەلى جۇمىس اتقارۋدا.
الماتىدا مۇگەدەكتىگى بار ادامداردى قولداۋ شارالارى جىل سايىن كەڭەيىپ كەلەدى. الەۋمەتتىك كومەك كورسەتۋ باعدارلامالارى ارقىلى مىڭداعان ازاماتقا قارجىلاي قولداۋ كورسەتىلىپ كەلەدى.
ماسەلەن، اتاۋلى الەۋمەتتىك كومەك (ااك) باعدارلاماسى اياسىندا 14 810 ادامعا 1،6 ملرد تەڭگە كولەمىندە قارجى ءبولىندى. سونداي-اق، ااك الۋشى وتباسىلاردىڭ 4 727 بالاسى قوسىمشا تولەمدەر ارقىلى تۇرمىستىق قاجەتتىلىكتەرىن وتەۋ مۇمكىندىگىنە يە بولدى.
مەملەكەت تاراپىنان كورسەتىلەتىن وسىنداي قولداۋ مۇمكىندىگى شەكتەۋلى جانداردىڭ ءوز قابىلەتتەرىن جۇزەگە اسىرۋىنا، قوعامدا ءوز ورنىن تابۋىنا جانە ومىرگە دەگەن سەنىمىن نىعايتۋعا ۇلكەن مۇمكىندىك بەرەدى. الەۋمەتتىك ادىلەتتىلىك پەن قامقورلىق كورسەتىلگەن قوعامدا ءاربىر ازامات ءوز الەۋەتىن تولىق جۇزەگە اسىرا الادى.