2022 جىلعى 1 جەلتوقساندا ساعات 11:00-دە الماتى قالاسىنداعى رەسپۋبليكا سارايىندا دوستىق داڭعىلى، 56 مەكەنجايى بويىنشا مۇمكىندىگى شەكتەۋلى جۇمىسسىزدارعا ارنالعان بوس ورىندار جارمەڭكەسى وتەدى، دەپ حابارلايدى اlmaty-akshamy.kz.
جارمەڭكەنى "الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى " كمم مەدەۋ اۋدانى اكىمىنىڭ اپپاراتىمەن بىرلەسىپ ۇيىمداستىرادى.
بوس ورىندار جارمەڭكەسىنىڭ ماقساتى – جۇمىس بەرۋشى مەن ىزدەنۋشىنىڭ تىكەلەي قارىم-قاتىناسى ارقىلى مۇمكىندىگى شەكتەۋلى جانداردى جۇمىسقا ورنالاستىرۋعا جاردەمدەسۋ بولىپ تابىلادى، وندا جۇمىس بەرۋشىلەر ىزدەنۋشىلەرمەن كەزدەسۋگە، ال ىزدەنۋشىلەر الدىن الا اڭگىمەلەسۋدەن وتۋگە، تۇيىندەمە جىبەرۋگە، مۇددەلى بوس جۇمىس ورىندارىمەن جانە ىزدەنۋشىلەرگە قويىلاتىن تالاپتارمەن تانىسۋعا بولادى.
تىركەلۋ ساعات 10:00-دە باستالادى.
مۇمكىندىگى شەكتەۋلى جاندار ءۇشىن بوس جۇمىس ورىندارى بار جانە بوس ورىندار جارمەڭكەسىنە قاتىسقىسى كەلەتىن ۇيىمدار جۇمىس بەرۋشىلەردى قولداۋ بولىمىنە ءوتىنىمدى prm@cz-almaty.kz ەلەكتروندىق مەكەنجايىنا جىبەرۋى قاجەت.
جۇمىس بەرۋشىلەر بوس ورىندار جارمەڭكەسى الاڭىندا كورمە ستەندتەرىن ورنالاستىرا الادى، سونداي-اق، تۇساۋكەسەرلەر مەن جارنامالىق ونىمدەرىن كورسەتە الادى نەمەسە ىزدەنۋشىلەر ءۇشىن شەبەرلىك سىنىپتارى مەن ترەنينگتەر ۇيىمداستىرا الادى.
قوسىمشا اقپارات الۋ ءۇشىن مىنا تەلەفوندار ارقىلى حابارلاسىڭىز:
+7(708) 211 12 47، +7(747) 751 05 95.