Jobcoach باعدارلاماسى: الماتىدا ەرەكشە قاجەتتىلىكتەرى بار ادامداردى جۇمىسقا ورنالاستىرۋ جانە بەيىمدەۋ جوباسى ىسكە قوسىلادى
الماتىدا «التىن جاس» جوباسىن ىسكە اسىرۋ جالعاسۋدا. اعىمداعى زەينەتكەرلىك جاستاعى ادامدار ءۇشىن 1000 جۇمىس ورنىن سۋبسيديالاۋ جوسپارلانعان. بۇل تۋرالى قالالىق جۇمىسپەن قامتۋ جانە الەۋمەتتىك باعدارلامالار باسقارماسى حابارلادى.
«2024 جىلى الماتىدا زەينەتكەرلەردىڭ جالاقىسىن جەرگىلىكتى بيۋدجەتتەن ەڭ تومەنگى جالاقى مولشەرىندە سۋبسيديالاي وتىرىپ، ولاردى جۇمىسقا ورنالاستىرۋ ءۇشىن «التىن جاس» باعدارلاماسى ىسكە قوسىلدى. باعدارلاما 700 - دەن استام ادامدى قامتىدى، 2025 جىلى 1000 زەينەتكەردى قولداۋ جوسپارلانۋدا»، - دەپ اتاپ ءوتتى جۇمىسپەن قامتۋ جانە الەۋمەتتىك باعدارلامالار باسقارماسى.
سونداي-اق، قالا اكىمى ەربولات دوسايەۆتىڭ تاپسىرماسى بويىنشا 2025 جىلدان باستاپ Jobcoach جوباسىن ىسكە قوسۋ جوسپارلانۋدا - ەرەكشە قاجەتتىلىكتەرى بار ادامداردى 3 جىل بويى تۇراقتى جۇمىس ورنىندا تولىق بەيىمدەلگەنگە دەيىن قولداۋ. تالىمگەرلەر جۇمىس ورىندارىن تابۋعا جانە جۇمىس ورنىندا بەيىمدەلۋگە كومەكتەسەدى. Jobcoach جوباسى اياسىندا وسى ساناتتاعى 300 ازامات جۇمىسقا ورنالاسادى.
ايتا كەتەيىك، الماتى ينكليۋزيۆتى ورتا قۇرۋ بويىنشا قازاقستاندا كوشباسشى ورىندا. ەرەكشە قاجەتتىلىكتەرى بار ادامداردى قوسا العاندا، حالىقتىڭ موبيلدىلىگى تومەن توپتارى ءۇشىن كەدەرگىلەردى جويۋعا جانە قۇقىقتاردىڭ تەڭدىگىن قامتاماسىز ەتۋگە باستى نازار اۋدارىلادى. نەگىزگى جەتىستىكتەردىڭ ىشىندە قالا ءومىرىنىڭ 15 باعىتى مەن 90 جوبانى قامتيتىن ۇزدىك الەمدىك تاجىريبەلەرگە نەگىزدەلگەن «ينكليۋزيۆتى الماتى» باعدارلاماسى اتاپ وتىلەدى. ول ءبىلىم بەرۋ، دەنساۋلىق ساقتاۋ، مادەنيەت جانە سپورتتا تەڭ مۇمكىندىكتەر جاساۋعا باعىتتالعان.