الماتىلىقتار جالپى سوماسى 735 ملن تەڭگە سالىق تولەمەگەن. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى بويىنشا مەملەكەتتىك كىرىستەر دەپارتامەنتىنىڭ وندىرىستىك ەمەس تولەمدەر باسقارماسىنىڭ باسشىسى قۋانىش تۇمەنبايەۆ مالىمدەدى، دەپ حابارلايدى Almaty-akshamy.kz.
سپيكەر 1 قازاندا تۇرعىن ۇيلەردىڭ، پاتەرلەردىڭ، ساياجاي قۇرىلىستارىنىڭ جانە وزگە دە قۇرىلىستاردىڭ يەلەرىنە مۇلىك سالىعىن تولەۋ قاجەتتىگىن ەسكە سالدى.
«ەگەر سالىق كەزەڭىندە سالىق سالۋ وبەكتىسى مەنشىك قۇقىعىندا ون ەكى ايدان از بولسا، مۇنداي وبەكتىلەر بويىنشا تولەنۋگە جاتاتىن مۇلىككە سالىناتىن سالىق سالىق سوماسىن ون ەكىگە ءبولۋ جانە سالىق سالۋ وبەكتىسىنىڭ مەنشىك قۇقىعىندا بولعان ناقتى كەزەڭدەگى ايلار سانىنا كوبەيتۋ جولىمەن ەسەپتەلەتىنىن اتاپ وتكەن ءجون. بىرنەشە جەكە تۇلعالاردىڭ ورتاق ۇلەستىك مەنشىگىندەگى سالىق سالۋ وبەكتىسى ءۇشىن سالىق ولاردىڭ وسى مۇلىكتەگى ۇلەسىنە پروپورسيونالدى تۇردە ەسەپتەلەدى»، - دەدى ق.تۇمەنبايەۆ.
مۇلىك سالىعىنان كىمدەر بوساتىلادى:
- كەڭەس وداعىنىڭ باتىرلارى، سوسياليستىك ەڭبەك ەرلەرى، «حالىق قاھارمانى»، «قازاقستاننىڭ ەڭبەك Epi» اتاقتارىنا يە بولعان، ءۇش دارەجەلى داڭق وردەنىمەن جانە «وتان» وردەنىمەن ماراپاتتالعان ادامدار - رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولعان ايلىق ەسەپتىك كورسەتكىشتىڭ 1000 ەسەلەنگەن مولشەرى شەگىندە، بارلىق سالىق سالۋ وبەكتىلەرىنىڭ جالپى قۇنىنان؛
- ەكىنشى دۇنيەجۇزىلىك سوعىسىنىڭ ارداگەرلەرى، جەڭىلدىكتەرى بويىنشا سوعىس ارداگەرلەرىنە تەڭەستىرىلگەن ارداگەرلەر جانە باسقا مەملەكەتتەر اۋماعىنداعى جاۋىنگەرلىك ارەكەتتەردىڭ ارداگەرلەرى، ۇلى وتان سوعىسى جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالعان ادامدار، سونداي-اق، 1941 جىلعى 22 ماۋسىمنان 1945 جىلعى 9 مامىرعا دەيىن كەمىندە التى اي كولەمىندە جۇمىس ىستەگەن (قىزمەت ەتكەن) ادامدار جانە ۇلى وتان سوعىسى جىلدارىنداعى تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ماراپاتتالماعان، بارلىق سالىق سالۋ وبەكتىلەرىنىڭ جالپى قۇنىنان رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىندا قولدانىستا بولاتىن ايلىق ەسەپتىك كورسەتكىشتىڭ 1500 ەسەلەنگەن مولشەرى شەگىندە مۇگەدەكتەر؛
-جەتىم بالالار مەن اتا-اناسىنىڭ قامقورلىعىنسىز قالعان بالالار 18 جاسقا تولعانعا دەيىنگى كەزەڭگە؛- «باتىر انا» اتاعىنا يە بولعان، «التىن القا» القاسىمەن ماراپاتتالعان كوپ بالالى انالار، جالعىز تۇراتىن زەينەتكەرلەر رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىندا قولدانىستا بولاتىن ايلىق ەسەپتىك كورسەتكىشتىڭ 1000 ەسەلەنگەن مولشەرى شەگىندە سالىق سالۋدىڭ بارلىق وبەكتىلەرىنىڭ جالپى قۇنىنان.
جەكە تۇلعالاردىڭ ىشىندە مۇلكىنە سالىعىن تولەمەيتىندەردىڭ تولىق تىزبەسى سالىق كودەكسىنىڭ 526-بابىندا كوزدەلگەن. بۇل رەتتە سالىق ورگاندارىندا جەڭىلدىكتى جىل سايىن راستاۋدىڭ قاجەتى جوق.
«بۇگىنگى تاڭدا الماتى قالاسى بويىنشا جەكە تۇلعالاردىڭ مۇلكىنە سالىق سالۋعا جاتاتىن وبەكتىلەردىڭ (جەكە ۇيلەر، پاتەرلەر، ساياجايلار مەن گاراجدار) سانى 642 172 قۇرايدى، باعالاۋ قۇنى 3 054 ملرد تەڭگە، 2022 جىلى ەسەپتەلگەن سالىق سوماسى 3،9 ملرد تەڭگەدەن اسادى. وتكەن جىلمەن سالىستىرعاندا سالىق سالۋ وبەكتىلەرىنىڭ سانى باعالاۋ قۇنى 6 ملرد تەڭگەمەن 27 238-گە ۇلعايدى، ونىڭ ىشىندە جەكە ۇيلەردىڭ سانى 547 – گە، پاتەرلەر – 21 262، گاراجدار-5 246-عا كوبەيدى. ايتا كەتۋ كەرەك، جاڭا سالىق سالۋ نىساندارىنىڭ نەگىزگى بولىگى (9 167) بوستاندىق اۋدانىنا تيەسىلى»، - دەدى سپيكەر.
سپيكەردىڭ مالىمەتىنشە، بۇگىنگى تاڭدا الماتى قالاسىنىڭ 55 644 تۇرعىنىنىڭ مۇلىك سالىعى بويىنشا 735 ملن تەڭگە قارىزى بار. تولەنبەگەن سالىقتىڭ نەگىزگى سوماسى مەدەۋ اۋدانىنىڭ تۇرعىندارىنا تيەسىلى، ولاردىڭ سوماسى 315 ملن تەڭگەنى قۇرايدى، ال تولەمەگەندەر سانى جونىنەن انتيرەيتينگتى بوستاندىق اۋدانىنىڭ تۇرعىندارى باستاپ تۇر - 37 مىڭ ادام.
دەپارتامەنت تۇرعىنداردى قارىزدارىن وتەۋگە شاقىرادى جانە سالىقتاردى ۋاقتىلى تولەۋگە كەڭەس بەرەدى.
سۇراقتار تۋىنداعان جاعدايدا تۇرعىندار 1414 ءنومىرى بويىنشا ءبىرىڭعاي بايلانىس ورتالىعىنا جۇگىنە الادى.