كۇرىش پەن ماكارون پلاستيكتەن جاسالادى

قازنەتتە وسىنداي قورقىنىشتى ۆيدەو تاراپ ءجۇر.

وندا ءمولدىر تاسپالاردىڭ كۇرىشكە ۇقساس نارسە شىعاراتىن جابدىق كورسەتىلگەن. پوليەتيلەن پاكەتتەردەن كۇرىش پەن ماكارون ونىمدەرى وسىلاي جاسالادى ەكەن، ال ولاردى قولدانۋ دەنساۋلىققا زيان.

بۇل اقپارات شىندىققا جاناسپايدى، دەپ حابارلايدى Almaty-akshamy.kz Stopfake.kz-كە سىلتەمە جاساپ. 

روليكتىڭ جوعارعى سول جاق بۇرىشىندا SunPring دەپ جازىلعان لوگوتيپ كورىنىپ تۇر. وسى ءسوز بويىنشا ىزدەگەندە جەلىدەن وسىلاي اتالاتىن قىتايلىق كومپانيا شىعادى. ول تاماق پەن جەمگە ارنالعان ەكسترۋدەرلەردى وندىرۋمەن جانە ساتۋمەن اينالىسادى. ەكسترۋدەرلەر – بۇل شيكىزاتتان تولىق دايىن ءونىم شىعاراتىن ماشينالار. SunPring جەلىسىندە سنەكتەر، بالالار ءسۇت قوسپاسىن، بالىق، مىسىق جانە يت تاعامدارىن شىعارۋعا ارنالعان ەكسترۋدەرلەر بار.

سونداي-اق، كومپانيا جاساندى كۇرىش شىعاراتىن ەكسترۋدەرلەر ساتادى. جابدىقتىڭ وسى تۇرىنە ارنالعان پاراقشادا جارمانى قانداي شيكىزاتتان وندىرۋگە بولاتىندىعى ەگجەي-تەگجەيلى سيپاتتالعان. ارينە، پوليەتيلەن پاكەتتەردەن ەمەس. جاساندى ۇزىن ءداندى كۇرىش جاساۋ ءۇشىن كۇرىش، جۇگەرى، تارى، بيداي، س ۇلى، سويا جانە ءتۇرلى دارۋمەندەردى قولدانۋ ۇسىنىلادى. سونىمەن قاتار، كومپانيانىڭ سايتىندا مۇنداي كۇرىشتىڭ قۇنى تابيعي جارمانىڭ قۇنىنان جوعارى ەكەندىگى كورسەتىلگەن. كومپانيا وكىلدەرى اتاپ وتكەندەي، جاساندى انالوگ الدەقايدا ءنارلى بولىپ تابىلادى.

دەمەك، قازنەتتە تارالعان كادرلاردا جاساندى كۇرىش جاساۋ پروسەسى كورسەتىلگەن، ءبىراق ول پوليەتيلەن پاكەتتەردەن ەمەس، ۇساقتالعان كۇرىشتەن، جۇگەرىدەن، تارى، س ۇلى جانە باسقا دا ءداندى داقىلداردان جاسالادى. مۇنداي كۇرىشتىڭ قۇنى تابيعي كۇرىشتىڭ قۇنىنان جوعارى بولعاندىقتان، ءبىرى دەپ ەكىنشىسىن ۇسىنۋ ماعىناسىز.