مۇگەدەكتىك بويىنشا جاردەماقى تاعايىنداۋ تولىعىمەن اۆتوماتتاندىرىلدى

بۇل ونى كورسەتۋ مەرزىمىن 1 جۇمىس كۇنىنە دەيىن قىسقارتۋعا مۇمكىندىك بەردى.

ەڭبەك جانە حالىقتى الەۋمەتتىك قورعاۋ مينيسترلىگى «مۇگەدەكتىگى بويىنشا مەملەكەتتىك الەۋمەتتىك جاردەماقىنى تاعايىنداۋ» مەملەكەتتىك قىزمەتىن پرواكتيۆتى كورسەتۋ كەزىندە ادامي فاكتوردى تولىعىمەن الىپ تاستادى، دەپ حابارلايدى Almaty-akshamy.kz Elorda.info-عا سىلتەمە جاساپ. 

بۇعان دەيىن بۇل قىزمەت «ازاماتتارعا ارنالعان ۇكىمەت» مەملەكەتتىك كورپوراسياسى» كەاق قىزمەتكەرلەرىنىڭ قاتىسۋىمەن كورسەتىلگەن جانە ونى كورسەتۋ مەرزىمى 8 جۇمىس كۇنىن قۇراعان. وسى جىلدىڭ اقپان ايىندا اتالعان جاردەماقىنى تاعايىنداۋ تۋرالى ءوتىنىشتى قاراۋ اۆتوماتتاندىرىلدى، بۇل 4 جۇمىس كۇنى ىشىندە قىزمەت كورسەتۋگە مۇمكىندىك بەردى.

كەلەسى كەزەڭ ادامي فاكتوردى تولىعىمەن الىپ تاستاۋ بولدى – مامىر ايىنىڭ باسىنان باستاپ مۇگەدەكتىگى بويىنشا الەۋمەتتىك جاردەماقىنى تاعايىنداۋ ەڭبەك مينيسترلىگىنىڭ اقپاراتتىق جۇيەلەرى ارقىلى جۇرگىزىلەدى، بۇل قىزمەت كورسەتۋ مەرزىمىن تاعى 1 جۇمىس كۇنىنە دەيىن قىسقارتۋعا مۇمكىندىك بەردى.

جاڭا جەڭىلدەتىلگەن ءتارتىپتى 244 كورسەتىلەتىن قىزمەتتى الۋشى پايدالاندى.

قىزمەتتى پرواكتيۆتى فورماتتا 1414 ءبىر عانا SMS-حابارلاماسىنا جاۋاپ بەرۋ، جاردەماقىنى پرواكتيۆتى رەسىمدەۋگە كەلىسىم بەرۋ جانە بانك شوتىن راستاۋ ارقىلى الۋعا بولادى. قىزمەت كورسەتۋ ءۇشىن بارلىق قاجەتتى مالىمەتتەر مەملەكەتتىك ورگانداردىڭ اقپاراتتىق جۇيەلەرىنەن كەلىپ تۇسەدى.

ەستەرىڭىزگە سالا كەتەيىك، ناۋرىز ايىندا ءدال وسىنداي قاعيدا بويىنشا «التىن القا» نەمەسە «كۇمىس القامەن» ماراپاتتالعان انالارعا جاردەماقى تاعايىنداۋ اۆتوماتتاندىرىلدى، بۇل قىزمەت كورسەتۋ مەرزىمىن 1 جۇمىس كۇنىنە دەيىن قىسقارتۋعا مۇمكىندىك بەردى. وسى جىلدىڭ سوڭىنا دەيىن بۇل ءتاسىلدى تاعى 2 باسقا مەملەكەتتىك قىزمەت بويىنشا ىسكە اسىرۋ جوسپارلانۋدا.