الماتىدا 2023 جىلى مۇگەدەكتىگى بار 433 ادام يننوۆاسيالىق تەحنيكالىق وڭالتۋ قۇرالدارىمەن قامتاماسىز ەتىلدى، دەپ حابارلايدى almaty-akshamy.kz
2023 جىلى الماتى قالاسىنىڭ اكىمى ەربولات دوسايەۆتىڭ تاپسىرماسىمەن الماتى قالاسىن دامىتۋدىڭ 2025 جىلعا دەيىنگى باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالاردى ىسكە اسىرۋ اياسىندا مۇمكىندىگى شەكتەۋلى جانداردى وڭالتۋدىڭ تەحنيكالىق قۇرالدارىنىڭ ساپاسىن ارتتىرۋ ءۇشىن ولاردى جەكە تاپسىرىس بويىنشا، مەملەكەتتىك ساتىپ الۋ ارقىلى وڭالتۋدىڭ يننوۆاسيالىق تەحنيكالىق قۇرالدارىمەن قامتاماسىز ەتۋ بويىنشا جۇمىس جۇرگىزىلدى.
ساپالى وڭالتۋ قۇرالدارىن ساتىپ الۋ مۇگەدەكتىگى بار ادامداردىڭ «جەكە قاجەتتىلىگىن» ەسكەرە وتىرىپ، وڭالتۋ قۇرالدارىمەن قامتاماسىز ەتۋگە عانا ەمەس، سونىمەن قاتار مۇگەدەكتىگى بار ادامداردىڭ ءوز قۇقىقتارىن تولىق كولەمدە ىسكە اسىرۋ قابىلەتىن قالپىنا كەلتىرۋگە، سول ارقىلى ولاردىڭ قوعامعا كىرىگۋىنە ىقپال ەتۋگە مۇمكىندىك بەرەدى.
- 2023 جىلى مەملەكەتتىك ساتىپ الۋ ارقىلى 1 390 ملن. تەڭگە سوماسىنا 433 ادام وڭالتۋدىڭ يننوۆاسيالىق تەحنيكالىق قۇرالدارىمەن قامتاماسىز ەتىلدى.
- اتاپ ايتساق، 150 پروتەز، 200 اربا، 76 سويلەۋ پروسەسسورى جانە 7 سۇيەك وتكىزگىش ەستۋ اپپاراتى.
- 2024 جىلى مۇگەدەكتىگى بار 288 ادامدى وڭالتۋدىڭ يننوۆاسيالىق تەحنيكالىق قۇرالدارىمەن قامتاماسىز ەتۋ ءۇشىن جەرگىلىكتى بيۋدجەتتەن 1 396 550 مىڭ تەڭگە سوماسىندا قاراجات ءبولىندى.
- وسىلايشا، 208 ادامعا 804 050 مىڭ تەڭگەنىڭ ارباسى بەرىلدى، 60 ادامنىڭ پروتەزدىك-ورتوپەديالىق قۇرالدارىنا 472 500 مىڭ تەڭگە جۇمسالدى،
- 20 ادامنىڭ سويلەۋ پروسەسسورى، سۇيەك وتكىزگىشتىگى بار ەستۋ اپپاراتىنا 120 000 مىڭ تەڭگە ءبولىندى.
«مەن مۇگەدەكتەر ارباسىنا وتە ريزا بولدىم. اربانىڭ ديزاينى وتە جوعارى دەڭگەيدە جاسالعان، ماتەريالداردىڭ ساپاسى دا جاقسى. ورىندىق وتە ىڭعايلى جانە جايلى، جۇمساق جاستىقتارى بار، ءجۇرىپ-تۇرۋعا وتە ىڭعايلى. اربا جەڭىل ءارى وڭاي بۇرىلادى، ءتىپتى تار بولمەدە دە باسقارۋ وڭاي. مۇنداي اربالار ءومىر ساپاسىن جاقسارتۋعا كومەكتەسىپ، كۇندەلىكتى ومىردە ىڭعايلىلىق پەن جايلىلىقتى قامتاماسىز ەتەدى!» - دەدى ارنايى جابدىق الۋشىلاردىڭ ءبىرى باۋىرجان مەكەنباي ۇلى.
ول الماتى اكىمىنە وسى اربانى ساتىپ الۋعا كومەكتەسكەنى، اسىرەسە ءوزىنىڭ قاجەتتىلىگىن قاناعاتتاندىرۋ ءۇشىن قاجەتتى جابدىقتى تاڭداۋعا كومەكتەسكەنى ءۇشىن العىسىن ءبىلدىردى.