الماتى قالاسىنىڭ ءبىلىم باسقارماسى №41 مەكتەپتە ورىن العان وقيعاعا قاتىستى مالىمدەمە جاسادى، دەپ حابارلايدى اlmaty-akshamy.kz.
بۇل مەكتەپتە ەكى اۋىسىمدا 1426 وقۋشى وقيدى، جوبالىق قۋاتى 870 ورىن.
وسى مەكتەپتە ورىن تاپشىلىعى پروبلەماسىن شەشۋ ءۇشىن 2023 جىلى سامعاۋ شاعىن اۋدانىندا 2000 ورىندىق جايلى مەكتەپتىڭ قۇرىلىسى باستالعان بولاتىن.
اعىمداعى جىلدىڭ 27 اقپانىندا ەكىنشى اۋىسىمنان كەيىن ءبىرىنشى قاباتتا ورنالاسقان مەكتەپتىڭ كيىم اۋىستىراتىن بولمەسىندە وقۋشىلار كوپ جينالدى. مۇنىڭ سەبەبى - وسى كۇنى وقۋشىلاردىڭ كيىنۋ پروسەسىنىڭ دۇرىس ۇيىمداستىرىلماۋى.
بۇرىن بۇل مەكتەپتە مۇنداي جاعداي بايقالعان ەمەس. مەكتەپ اكىمشىلىگىنىڭ مالىمەتىنشە، زارداپ شەككەندەر جوق.
وقۋ پروسەسىن ۇيىمداستىرۋدا باقىلاۋدى السىرەتكەنى ءۇشىن مەكتەپ ديرەكتورى اتقاراتىن قىزمەتىنەن بوساتىلدى.