بۇگىن باتىس قازاقستان وبلىسىنىڭ ورال قالاسىندا 3 جاسقا دەيىنگى مۇگەدەك بالالارعا ارنالعان «قامقورلىق» ەرتە ارالاسۋ ورتالىعى اشىلدى.
ەرتە ارالاسۋ ورتالىعى وبلىستىق پەريناتالدىق ورتالىقتىڭ بازاسىندا قۇرىلعان جانە نەيرو-ورتوپەديالىق بۇزىلۋلارى بار جانە ولاردىڭ دامۋ ءقاۋپى بار بالالاردى قابىلداي باستايدى. «سامۇرىق-قازىنا» جانە «قازاقستان حالقىنا» قورلارىنىڭ ءارىپتەستىگى كەزىندە ىسكە قوسىلعان ورتالىق جىل سايىن 3 جاسقا دەيىنگى 600 بالانى قابىلداي الادى، دەپ حابارلايدى اlmaty-akshamy.kz.
ەرتە ارالاسۋ ورتالىعىندا شالا تۋعان بالالارعا، ورتالىق نەرۆ جۇيەسى مەن ميدىڭ دامۋ اقاۋلارى، سەرەبرالدىق سال اۋرۋى، داۋن سيندرومى، نەيروينفەكسيالار مەن جاراقاتتاردىڭ سالدارى بار بالالارعا كومەك كورسەتىلەدى. مۇنداي ورتالىقتاردىڭ نەگىزگى ماقساتى -بالالارداعى ەرتە مۇگەدەكتىكتىڭ پروفيلاكتيكاسى.
بۇل الەۋمەتتىك جوبا «سامۇرىق-قازىنا» اق جانە «قازاقستان حالقىنا» قق باستاماسىمەن «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ ۇلتتىق جوباسىنىڭ شەڭبەرىندە ىسكە اسىرىلدى.