زاڭعا سايكەس، مۇعالىمدەر سەنبىلىك جۇمىستارىنان باس تارتا الادى
مۇعالىمدەردى مىندەتتەرىنەن تىس جۇمىستاردى ورىنداۋعا تارتاتىندار قاتاڭ جازالانادى. بۇل تۋرالى وكق بريفينگىندە ءبىلىم جانە عىلىم ۆيسە-مينيسترى شولپان قارينوۆا ءمالىم ەتتى، دەپ حابارلايدى Almaty-akshamy.kz
«ولاردىڭ قۇقىقتارىن قورعايتىن «پەداگوگ مارتەبەسى تۋرالى» زاڭ بار. ءمۇعالىمنىڭ سەنبىلىككە شىقپاۋعا قۇقىعى بار. زاڭعا سايكەس، مۇعالىمدەر بۇدان باس تارتا الادى»، - دەدى شولپان قارينوۆا.
ول بۇعان دەيىن ءبىلىم جانە عىلىم ءمينيسترىنىڭ وسى ماسەلە بويىنشا ۇستانىمىن ناقتى ايتقانىن ەسكە سالدى.
«ءبىز مۇعالىمدەردى وزىنە ءتان ەمەس فۋنكسيالاردى ورىنداۋعا تارتۋعا قارسىمىز. مۇعالىمدەردى وسى ەرەكشە جۇمىستارعا تارتاتىنداردىڭ بارلىعىنا زاڭ شەڭبەرىندە قاتاڭ جازالاناتىن شارالار قابىلداناتىن بولادى. ءمۇعالىمنىڭ ءبىرىنشى فۋنكسياسى - بالالارعا بارلىق پاندەر بويىنشا ءبىلىم بەرۋ. وقىتۋ، تاربيەلەۋ – ءمۇعالىمنىڭ نەگىزگى قىزمەتى. باسقا ءىس-شارالارعا پەداگوگتاردى ەشكىم تارتپاۋى ءتيىس»، - دەپ مالىمدەدى ۆيسە-مينيستر.