ق ر پرەمەر-مينيسترى اسقار مامين ق ر پرەزيدەنتى جانىنداعى سيفرلاندىرۋدى ەنگىزۋ ماسەلەلەرى جونىندەگى كوميسسيانىڭ وتىرىسىن وتكىزدى، دەپ حابارلايدى almaty-akshamy.kz primeminister.kz سىلتەمە جاساپ.
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين مەن يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى قايىربەك وسكەنبايەۆ ءبىرىڭعاي مەملەكەتتىك جىلجىمايتىن مۇلىك كاداسترىنىڭ (بمجمك) اقپاراتتىق جۇيەسىن قۇرۋ جونىندەگى جۇمىس بارىسى تۋرالى باياندادى.
بمجمك مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسىنىڭ (مجك ااج) جانە «جىلجىمايتىن مۇلىك تىركەلىمى» مەملەكەتتىك دەرەكتەر قورىنىڭ (جمت مدق) 226 بىتىراڭقى دەرەكقورىن شوعىرلاندىردى. جەر قورى جانە جىلجىمايتىن مۇلىك وبەكتىلەرى تۋرالى اقپاراتقا قولجەتىمدىلىك ونلاين-رەجيمدە جۇمىس ىستەيتىن جانە قازىرگى ۋاقىتتا 93،6%-عا تولتىرىلعان جاريا كاداسترلىق كارتا ارقىلى بەرىلەدى. بيىل مامىر ايىندا جەر قاتىناستارى سالاسىندا مەملەكەتتىك قىزمەتتەردى تەستىلىك رەجيمدە كورسەتۋ بويىنشا پيلوتتىق جوبا ىسكە قوسىلدى.
بمجمك-نى ونەركاسىپتىك پايدالانۋعا ەنگىزۋدى 2021 جىلدىڭ سوڭىنا دەيىن جۇزەگە اسىرۋ جوسپارلانعان. بۇدان ءارى بمجمك، مەملەكەتتىك قالا قۇرىلىسى كاداسترىنىڭ اقپاراتتىق جۇيەلەرىن، «مەكەنجاي تىركەلىمىن» جانە وڭىرلىك گەواقپاراتتىق جۇيەلەردى بىرىكتىرەتىن ءبىرىڭعاي پلاتفورما قالىپتاستىرىلاتىن بولادى.
ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ق ر مينەرالدىق رەسۋرستارىنىڭ ۇلتتىق دەرەكتەر بانكىن قۇرۋ جونىندەگى جۇمىس بارىسى تۋرالى باياندادى. بۇل اقپاراتتىق جۇيە ينۆەستورلارعا ونلاين-رەجيمدە قازاقستاننىڭ كەن ورىندارى بويىنشا گەولوگيالىق دەرەكتەردىڭ قولجەتىمدىلىگىن قامتاماسىز ەتەدى. جەر قويناۋىن پايدالانۋ ليسەنزيالارىن بەرۋ «ءبىرىنشى كەلدى – ءبىرىنشى الدى» قاعيداتى بويىنشا تولىق اۆتوماتتاندىرىلادى.
مەملەكەتتىك ورگاندار ءۇشىن جەر قويناۋىن پايدالانۋشىلاردىڭ مونيتورينگى مەن تالداۋ قۇرالدارى قولجەتىمدى بولادى. قازىرگى ۋاقىتتا سيفرلاندىرۋدى ەنگىزۋ قور اقپاراتىمەن تانىسۋ، ءوتىنىم بەرۋ، كەلىسىمگە قول قويۋ، گەولوگيالىق اقپاراتتىڭ كوشىرمەلەرىن بەرۋ سياقتى پروسەستەردى بولدىرماۋعا مۇمكىندىك بەردى، بۇل جەر قويناۋى تۋرالى اقپارات الۋ ءراسىمىنىڭ مەرزىمىن 6 ايدان 1 جۇمىس كۇنىنە دەيىن قىسقارتتى. «ق ر مينەرالدىق رەسۋرستاردىڭ ۇلتتىق دەرەكتەر بانكى» اج-ىن 2022 جىلدىڭ سوڭىنا دەيىن ەنگىزۋ جوسپارلانۋدا.
جوبا جەر قويناۋى تۋرالى اقپارات الۋ مەرزىمىن قىسقارتۋعا جانە وسى سالاداعى ينۆەستيسيالىق الەۋەتتى تولىق كولەمدە ىسكە اسىرۋعا مۇمكىندىك بەرەدى. قر-دا قاتتى پايدالى قازبالاردى بارلاۋعا شەتەلدىك ينۆەستيسيالاردى تارتۋدىڭ جالپى كولەمى 2030 جىلعا قاراي 96 ملرد تەڭگە كولەمىندە بولجانىپ وتىر. ساۋدا جانە ينتەگراسيا ءمينيسترى باقىت سۇلتانوۆ ازاماتتاردىڭ جەكە سايكەستەندىرۋ نومىرلەرى بازاسىندا اشىلعان ەلەكتروندىق ءامياندارعا ق ر ۇلتتىق بانكىنىڭ ەلەكتروندىق اقشا تۇرىندەگى الەۋمەتتىك تولەمدەردى اۋدارۋدى كوزدەيتىن «الەۋمەتتىك ءاميان» پيلوتتىق جوباسىن ەنگىزۋ جونىندەگى جۇمىستاردىڭ بارىسى تۋرالى باياندادى.
ينفراقۇرىلىم رەتىندە ق ر ۇلتتىق بانكىنىڭ تولەم جۇيەسى – لەزدىك تولەمدەر جۇيەسى قوسىلادى. بۇل جوبا حالىقتى الەۋمەتتىك قولداۋ قۇرالدارىن جەتىلدىرۋگە جانە تولەمدەردى الۋشىلاردىڭ ەسەبىنە پرواكتيۆتى تۇردە اۋدارۋ مۇمكىندىگىن قامتاماسىز ەتۋگە مۇمكىندىك بەرەدى.
پيلوتتىق جوبا 2021 جىلعى جەلتوقساندا ەنگىزىلەدى، 2022 جىلى ونەركاسىپتىك پايدالانۋعا بەرىلەدى، 2023-2024 جىلدارى «الەۋمەتتىك ءاميان» ۇلتتىق تاۋار وتكىزۋ جۇيەسىمەن كىرىكتىرىلەتىن بولادى. وتىرىسقا قاتىسۋشىلار سونداي-اق 2025 جىلعا قاراي كەمىندە 100 مىڭ بىلىكتى IT-مامان دايارلاۋ جونىندەگى مىندەتتەردى ىسكە اسىرۋ ماسەلەلەرىن قاراستىردى.
بەس جىل ىشىندە ق ر وڭىرلەرىندە 20 يننوۆاسيالىق باعدارلامالاۋ مەكتەبىن اشۋ، 50 وڭىرلىك جوو-نى IT-كومپانيالار مەن بەيىندى IT-جوو قامقورلىعىنا بەرۋ، باعدارلامالاۋ مەكتەپتەرىنە 20 مىڭ گرانت ءبولۋ جوسپارلانۋدا.
2023 جىلدان باستاپ قازاقستاننىڭ بارلىق ورتا مەكتەپتەرىندە «ينفورماتيكا» ءپانىن ۇبت-عا ەنگىزە وتىرىپ، وسى ءپان بويىنشا «ۆيرتۋالدى ءمۇعالىم» جوباسىن ەنگىزۋ جوسپارلانۋدا (قازىرگى ۋاقىتتا شقو-نىڭ 150 مەكتەبىندە اپروباسيالانۋدا). ۇكىمەت باسشىسى ەكونوميكانى سيفرلاندىرۋ، كادرلار دايارلاۋ جانە IT-سالاسىن دامىتۋ بويىنشا جوسپارلانعان بارلىق جوبالاردىڭ ۋاقتىلى جانە ساپالى جۇزەگە اسىرىلۋىن قامتاماسىز ەتۋدى تاپسىردى.