جامبىل وبلىسى، جاناتاس قالاسىنداعى گيمنازيادا وقۋشى اعىلشىن ءتىلى مۇعالىمىنە دورەكى سوزدەر ايتىپ، ساباققا كىرۋدەن باس تارتتى. وقيعا ورىن العان سوڭ پوليسيا اكىمشىلىك ءىس قوزعاپ، ونى سوتقا جولدادى، - دەپ حابارلايدى Aqhamnews.kz.
سوتتا انىقتالعانداي، وقۋشىنىڭ اناسى بۇعان دەيىن ۇلىنا قاتىستى ۇقساس جاعدايلار بويىنشا جاۋاپكەرشىلىككە تارتىلعان. كەزدەسۋ بارىسىندا ايەل ءوز كىناسىن مويىنداپ، كەشىرىم سۇرادى.
ايەلدىڭ جاعدايى مەن تولىق مويىنداۋىنا بايلانىستى سوت ايىپپۇلدى 30% تومەندەتتى. ناتيجەسىندە ونى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 127-بابىنىڭ 2-بولىگى بويىنشا كىنالى دەپ تانىپ، 41 مىڭ تەڭگە كولەمىندە ايىپپۇل سالدى.