Disney ستۋدياسىنىڭ «مۋفاسا. ارىستان پاتشا» ءفيلمىنىڭ قازاق تىلىندەگى گالا-تۇساۋكەسەرى وتەدى
17 جەلتوقسان كۇنى ساعات 19:00-دە الماتى قالاسىنداعى MEGA ويىن-ساۋىق ورتالىعىندا Disney ستۋدياسىنىڭ «مۋفاسا. ارىستان پاتشا» انيماسيالىق ءفيلمىنىڭ گالا-تۇساۋكەسەر كورسەتىلىمى وتەدى. بۇل ەرەكشە شاراعا ءتىل جاناشىرلارى، قوعام قايراتكەرلەرى، دەپۋتاتتار، دۋبلياج اكتەرلارى، جۋرناليستەر مەن بلوگەرلەر قاتىسادى.
«قازاق ءتىلى» قوعامىنىڭ باستاماسىمەن بيىلدان باستاپ ءىرى حالىقارالىق ستۋديالار ءوز فيلمدەرىن قازاق تىلىندە ۇسىنۋدى قولعا الدى. وسى باستاما اياسىندا Disney ستۋدياسى «ويجۇمباق 2»، «موانا 2» جانە «مۋفاسا. ارىستان پاتشا» فيلمدەرىن قازاق تىلىنە اۋدارىپ، دۋبلياجداۋ جۇمىستارىن قارجىلاندىردى. قازاق ءتىلىنىڭ حالىقارالىق ستۋديالار تاراپىنان قولداۋ تاپقان الەمدىك پرەمەرالىق تىلدەر قاتارىنا قوسىلۋى – قازاق مادەنيەتى ءۇشىن تاريحي جەتىستىك.
«ويجۇمباق 2» جانە «موانا 2» فيلمدەرىنىڭ قازاق تىلىندەگى دۋبلياجى كاسسالىق تابىس ۇلەسى بويىنشا رەكورد ورناتىپ، كورەرمەندەردىڭ زور ىقىلاسىنا بولەندى. ۇيىمداستىرۋشىلار بۇل باستامانىڭ قازاق ءتىلى مەن مادەنيەتىن ودان ءارى دامىتىپ، تاراتۋعا سەپتىگىن تيگىزەتىنىن ەرەكشە اتاپ ءوتتى.
وتەتىن ورىن مەن ۋاقىتى:
- وتەتىن ورنى: الماتى قالاسى، Chaplin MEGA كينوتەاترى (روزىباكييەۆ كوشەسى، 247A)
- وتەتىن ۋاقىتى:
- 20:00 – كورسەتىلىمنىڭ باستالۋى
بۇل شارا قازاق ءتىلىنىڭ مارتەبەسىن كوتەرۋگە باعىتتالعان ماڭىزدى قادامداردىڭ ءبىرى. سىزدەردى وسى تاريحي وقيعانىڭ كۋاسى بولۋعا شاقىرامىز!
