ەندى موپەد جۇرگىزۋشىلەرى تولىققاندى جول قوزعالىسىنا قاتىسۋشىلارعا تەڭەستىرىلدى، ولار كولىكتەرىن تىركەپ، ا1 ساناتىنىڭ كۋالىگىن الۋى قاجەت.
ءىىم موپەدتەردى تىركەۋ ءۇشىن قۇجاتتار تىزبەسىن ايقىندايتىن كولىك قۇرالدارىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ قاعيدالارىنا وزگەرىستەر ەنگىزىلدى، دەپ حابارلايدى aqshamnews.kz
موپەدتى تىركەۋ ءۇشىن يەسى (يەسىنىڭ وكىلى) مىنا قۇجاتتاردى ۇسىنۋى كەرەك:
جەكە باسىن كۋالاندىراتىن قۇجات (سايكەستەندىرۋ ماقساتىندا) نەمەسە سيفرلىق قۇجاتتاما قىزمەتىنەن ەلەكتروندى تۇردە؛
سالىق كودەكسىنىڭ 553 جانە 615-باپتارىندا كوزدەلگەن كولىك قۇرالىن تىركەۋ تۋرالى كۋالىك، مەملەكەتتىك تىركەۋ نومىرلىك بەلگىسى بەرگەنى ءۇشىن تىركەۋ الىمى مەن مەملەكەتتىك باجدىڭ تولەنگەنىن راستايتىن قۇجاتتار؛
موپەدتى مەملەكەتتىك تىركەۋ تۋرالى ءوتىنىش؛
تەحنيكالىق قۇجات (بار بولسا) نەمەسە موپەدتىڭ تەحنيكالىق سيپاتتامالارى تۋرالى اقپارات؛
موپەدكە سايكەستەندىرۋ ءنومىرى بولماعان جاعدايدا، سايكەستەندىرۋ ءنومىرىن تىركەۋ ءىس-شارالارى جۇرگىزىلگەنگە دەيىن موپەد يەسىنىڭ ءوتىنىشى بويىنشا ۋاكىلەتتى ورگان بەرەدى؛
كولىك قۇرالىن تەكسەرۋ اكتىسى (كولىك قۇرالىن باستاپقى تىركەۋ كەزىندە)؛
الدىڭعى كولىك قۇرالىن تىركەۋ تۋرالى كۋالىك جانە مەملەكەتتىك تىركەۋ نومىرلىك بەلگىسى (بار بولسا)؛
مەنشىك يەسىنىڭ وكىلى جۇگىنگەن جاعدايلاردا كەلىسىم نەمەسە سەنىمحات.
كولىك قۇرالىنىڭ سايكەستەندىرۋ ءنومىرىن پايدالانا وتىرىپ، كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ، ەسەپكە الۋ جانە ەسەپتەن شىعارۋ ءۇشىن قاجەتتى قۇجاتتار تىزبەسىنە دە وسىنداي تولىقتىرۋ ەنگىزىلدى.
بۇيرىق 2025 جىلدىڭ 5 ساۋىرىنەن باستاپ كۇشىنە ەنەدى.
ەسكە سالايىق، مەحانيكالىق كولىك قۇرالىن (باستاپقى مەملەكەتتىك تىركەۋدەن وتەتىن كولىك قۇرالىن قوسپاعاندا) نەمەسە تىركەمەنى تىركەۋ ستاۆكاسى 0،25 اەك (2025 جىلى 983 تەڭگە) قۇرايدى. كولىك قۇرالدارىن مەملەكەتتىك تىركەۋ تۋرالى كۋالىك الۋ ءۇشىن 1،25 اەك (2025 جىلى 4 915 تەڭگە) تولەۋ كەرەك.