ق ر دەنساۋلىق ساقتاۋ مينيسترلىگىنىڭ مونيتورينگتىك توبى ق ر دسم دسم انالار دەنساۋلىعىن ساقتاۋ باسقارماسىنىڭ باسشىسى شاكيزات حالىقوۆانىڭ توراعالىعىمەن اباي وبلىسىنىڭ مەديسينالىق ۇيىمدارىندا جۇكتى ايەلدەر مەن بالالارعا مەديسينالىق كومەك كورسەتۋدى ۇيىمداستىرۋعا باعالاۋ جۇرگىزدى، دەپ حابارلايدى Almaty-akshamy.kz.
مونيتورينگتىك توپتىڭ قۇرامىنا باسقا وڭىرلەردىڭ جەتەكشى ماماندارى – اكۋشەر-گينەكولوگتار، انەستەزيولوگ-رەانيماتولوگ، نەوناتولوگ، گوسپيتالدىق ەپيدەميولوگ جانە باس اكۋشەر كىردى.
مونيتورينگتىك توپ سەمەي قالاسىنىڭ مەديسينالىق ۇيىمدارىنا (وبلىستىق پەريناتالدىق ورتالىق، N 1 قپ، N 2 قپ) باردى، سونداي-اق شالعاي اۋدانداردا (ماقانشى اۋىلدىق اۋرۋحاناسى، ءۇرجار اوا، اياگوز كاوا) بولدى.
جۇمىس ساپارى بارىسىندا بوسانۋ جانە بالالاردىڭ دەنساۋلىعىن ساقتاۋدىڭ وزەكتى ماسەلەلەرى تالقىلانىپ، مەديسينا قىزمەتكەرلەرىنە ۇيىمداستىرۋشىلىق-ادىستەمەلىك كومەك كورسەتىلدى.
مونيتورينگتىڭ قورىتىندىسى بويىنشا اباي اكىمدىگى اپپاراتىنىڭ باسشىسى جاسۇلان سارسەبايەۆتىڭ قاتىسۋىمەن ماعريپا ەمبەرگەنوۆانىڭ توراعالىعىمەن انا ءولىمىن ازايتۋ بويىنشا شۇعىل شارالار قابىلداۋ جونىندەگى وڭىرلىك شتابتىڭ وتىرىسى وتكىزىلدى.
مونيتورينگتىك توپتىڭ ماماندارى باعالاۋ ناتيجەلەرىن ۇسىندى جانە بار نەگىزگى پروبلەمالاردى ايتتى. م. ەمبەرگەنوۆا مەديسينالىق ۇيىمداردى ماتەريالدىق-تەحنيكالىق جاراقتاندىرۋدىڭ جەتكىلىكسىز دەڭگەيىن، انەستەزيولوگ رەانيماتولوگتار مەن اكۋشەر-گينەكولوگتاردىڭ، جەكەلەگەن اۋداندارداعى نەوناتولوگتاردىڭ تاپشىلىعىن، سونداي-اق پەريناتالدىق كومەكتى وڭىرلەندىرۋ، مەديسينالىق ۇيىمداردىڭ ءوزارا ءىس-قيمىلى، جۇكتى ايەلدەر مەن بالالاردى باعىتتاۋ قاعيداتتارىن ساقتاۋ قاجەتتىگىن اتاپ ءوتتى.
شتاب وتىرىسىنىڭ قورىتىندىسى بويىنشا وبلىستىڭ دەنساۋلىق ساقتاۋ باسقارماسىنا جۇكتى ايەلدەر مەن بالالارعا مەديسينالىق كومەك كورسەتۋدى ۇيىمداستىرۋ مەن ساپاسىن جاقسارتۋ ءۇشىن ءتيىستى ۇسىنىستار بەرىلدى.