"ءزىلزالادان جاپا شەككەن تۇركياعا كومەك كورسەتۋ ماقساتىندا جان-جاقتان قۇتقارۋشىلار كەلىپ جاتىر. بۇگىن مونعوليا بيلىگى دە كومەك كورسەتۋشىلەردى جىبەردى"، - دەپ جازدى جۋرناليست ءنازيا جويامەرگەن ينستاگرام پاراقشاسىنا.
بۇگىن تاڭعى ساعات 4.35-تە مونعوليانىڭ 20 توتەنشە جاعدايلار قىزمەتكەرى مەن 15 دارىگەر - بارلىعى 35 ادام تۇركياعا جولعا شىقتى. توپ باسشىسى مونعوليا توتەنشە جاعدايلار باس باسقارماسىنىڭ ورىنباسارى، بريگادا گەنەرالى ب.ۋۋگانبايار. كومەككە 1500 جىلى ءجۇن كورپە،10 توننا بۇقتىرىلعان ەت، 2 توننا ەت، مايشام جانە ىزدەۋ-بارلاۋ توبىنىڭ مارتا، بالۋ ەسىمدى يتتەرى بار. جەكە ادامدار مەن ءدىني ورتالىقتار تۇركياعا كومەك جىبەرۋگە حالىقتى ۇندەپ جاتىر ەكەن.
