ەندى قازاقستاندىقتاردىڭ ءموبيلدى اۋدارىمدارىنا شەكتەۋ قويىلادى، دەپ حابارلايدى aqshamnews.kz.
بۇل تۋرالى قارجى مينيسترلىگىنىڭ مەملەكەتتىك كىرىستەر دەپارتامەنتى حابارلادى.
مىندەتتى دەكلاراسيالاۋدىڭ ءتورتىنشى كەزەڭى جويىلعاننان كەيىن كەيبىر كاسىپكەرلەر قايتادان بەلسەندى تۇردە كليەنتتەردەن اۋدارىمداردى قابىلداي باستاعان. مەملەكەتتىك كىرىستەر كوميتەتى تالداۋ كريتەرييلەرىن وزگەرتىپ، ءموبيلدى اۋدارىمدار سانىن عانا ەمەس، ولاردىڭ جالپى كولەمىن دە ەسكەرۋدى جوسپارلاپ وتىر. ەندى ءموبيلدى اۋدارىمداردىڭ جالپى سانى عانا ەمەس، سونداي-اق ولاردىڭ جالپى كولەمى دە ەسەپكە الىنادى.
ەرسايىن كوپتىلەۋ ۇلى، ق ر قارجى مينيسترلىگى جەكە تۇلعالاردىڭ كىرىستەرىن اكىمشىلەندىرۋ باسقارماسىنىڭ باس ساراپشىسى:
بىزدە ءموبيلدى اۋدارىمداردى باقىلاۋ بويىنشا ولشەمشارت بەلگىلەنگەن. ولشەمشارت نەگىزىندە اي سايىن ءۇش اي قاتارىنان 100 نەمەسە ودان كوپ تۇلعالاردان ءموبيلدى اۋدارىمدار ارقىلى تولەم قابىلداعان جايدايدا اتالعان جەكە تۇلعالار نازارعا ىلىگەتىن بولادى. اتالعان مالىمەتتەردى ەكىنشى دەڭگەيلى بانكتەر ۇسىناتىن بولادى.
ولشەمشارتتىڭ كولەمى 255 مىڭ تەڭگە. ياعني، ءبىر ايدا 100 نەمەسە ودان كوپ تۇلعادان ءموبيلدى اۋدارىمدار ارقىلى 255 مىڭ تەڭگە تولەم جاسالسا، دەمەك ول ادام جاسىرىن بيزنەسپەن اينالىسادى دەگەن ءسوز. ەگەر بيزنەسپەن اينالىسىپ، تابىس تاباتىن ادام كاسىپكەر رەتىندە تىركەلمەسە، وعان 15 اەك كولەمىندە ايىپپۇل سالىنادى. زاڭ بۇزۋشى ءبىر جىل ىشىندە قايتا ۇستالىپ قالسا، ايىپپ ۇلى مولشەرى 30 اەك-كە دەيىن وسەدى.