ۆەدومستۆو 15 ملرد تەڭگەدەن اسا سومانىڭ جىمقىرىلعانىن انىقتاعان.
مەكتەپ ءمۇعالىمى استانادا وتكەن پەداگوگتەر فورۋمىندا وقۋ-اعارتۋ ءمينيسترى عاني بەيسەمبايەۆتىڭ الدىندا مەكتەپتەگى جەمقورلىق ماسەلەسىن كوتەردى، دەپ حابارلايدى aqshamnews.kz
ايتۋىنشا، ول ءقازىر وڭتۇستىك وڭىردەن كەلىپ، وزىنە اقمولا وبلىسىنان جۇمىس تاپقان. الايدا تۋعان جەرىندەگى ىنىلەرى مەن سىڭلىلەرى ەكى قولعا ءبىر كۇرەك تاپپاي وتىرعان كورىنەدى.
«ولار ءبىر جەرگە جۇمىسقا تۇرۋ ءۇشىن، وتىرىك ەمەس، كەمى 1 نەمەسە 2 ملن تەڭگەگە دەيىن اقشا سۇرايدى. ول – كادىمگى جەمقورلىق. مەن تەك پەداگوگ ماماندىعىندا دەمەيمىن، نەگىزى وڭتۇستىكتە جەمقورلىق كەڭ تاراعان. ءبىراق سونىڭ ىشىندە ءمۇعالىم ماماندىعى بىزگە كەرەك قوي؟ قاشان مەن سياقتى اقشاسىز، ءوزى جۇمىسقا تۇرا الادى؟» – دەپ سۇرادى ول مينيستردەن.
سول سۇراقتى كەيىن جۋرناليستەر عاني بەيسەمبايەۆقا قايتا قويدى. ءمۇعالىمنىڭ ايتقان ۋاجىنە قاتىستى پىكىر ءبىلدىرۋىن سۇرادى.
«ارىپتەسىمىزدىڭ قويعان سۇراعى قاي مەكتەپتە، قاي اۋداندا بولعانى ناقتى ايتىلعان جوق. وبلىستى بىردەن قارالاۋعا بولمايدى عوي. بۇل سۇراقتى سول سەبەپتى كوپشىلىكتىڭ الدىندا قاۋجاعانىم جوق. جالپى، ول اقپاراتتىڭ سەبەبىن انىقتايمىز. اقپارات ناقتى بولسا، تەكسەرۋ قيىندىق تۋعىزبايدى دەپ ويلايمىن»، – دەدى وقۋ-اعارتۋ ءمينيسترى.
سونداي-اق ول ۆەدومستۆونىڭ انتيكورمەن بىرلەسىپ، تىعىز جۇمىس اتقارىپ جاتقانىن، سونىڭ ارقاسىندا 15 ملرد تەڭگەدەن اسا سومانىڭ جىمقىرىلعانىن انىقتاعاندارىن العا تارتتى.