توتەنشە جاعدايلار مينيسترلىگى زۋيالحان گاسانوۆتىڭ تۇركىستان وبلىسىنىڭ قۇتقارۋشىلارىنان توتەنشە جاعدايلار مينيسترىنە اقشا جيناۋ تۋرالى مالىمدەمەسىنە قاتىستى تۇسىنىكتەمە بەردى، دەپ حابارلايدى اlmaty-akshamy.kz.
بۇل اقپارات شىندىققا جاناسپايدى جانە بۇقارالىق اقپارات قۇرالدارىن پايدالانۋ ارقىلى كەزەكتى ارانداتۋىشىلىقتى ىسكە اسىرۋ بولىپ تابىلادى.
بۇعان دەيىن گاسانوۆ زۋيالحان (2022 جىلى) جالا جاپقانى ءۇشىن ازاماتتىق-قۇقىقتىق جاۋاپكەرشىلىككە تارتىلعان بولاتىن.
ايتا كەتۋ كەرەك، بۇل ازامات قازىرگى ۋاقىتتا ازاماتتىق قورعاۋ ورگاندارىنىڭ قىزمەتكەرى بولىپ تابىلمايدى، ويتكەنى اعىمداعى جىلدىڭ مامىر ايىندا تەرىس سەبەپتەرمەن جۇمىستان شىعارىلدى.
ول بىرنەشە رەت وسىنداي ماسەلەلەر بويىنشا تجم-گە جۇگىندى، ءبىراق تەكسەرۋ ناتيجەلەرى بويىنشا ول كورسەتكەن دالەلدەر راستالمادى.
وسىعان قاراماستان، وتىنىشتە ايتىلعان ءاربىر فاكت بويىنشا سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ قىزمەتتىك تەرگەۋ جۇرگىزىلەتىن بولادى.
ءوز كەزەگىندە تجم ءوز قاتارىندا سىبايلاس جەمقورلىقتى جويۋ بويىنشا بارلىق قاجەتتى شارالاردى جۇزەگە اسىرادى جانە انىقتالعان ءاربىر فاكت بويىنشا شارالار قابىلدانۋدا.
ءتجم-نىڭ بارلىق جەكە قۇرامىنا، اتاپ ايتقاندا تۇركىستان وبلىسىنىڭ تج دەپارتامەنتىنە حابارلايمىز. ءبىزدىڭ مينيسترلىكتىڭ بارلىق قىزمەتكەرلەرى ءۇشىن «WhatsApp» مەسسەندجەرىندە توتەنشە جاعدايلار ءمينيسترى سىرىم ءشارىپحانوۆتىڭ تىكەلەي تەلەفون ءنومىرى + 7 747 651 75 88 جۇمىس ىستەيدى، جەدەل جانە شۇعىل شەشىمدەردى قاجەت ەتەتىن پروبلەمالىق ماسەلەلەرمەن جۇگىنۋگە بولادى. ءوتىنىشتىڭ قۇپيالىلىعى ساقتالادى.
قازاقستان رەسپۋبليكاسىنىڭ
توتەنشە جاعدايلار مينيسترلىگى