ۇلتتىق ەكونوميكا ءمينيسترى الىبەك قۋانتىروۆ قىستا تەرەزەنى نەمەسە بالكوندى اشۋ ارقىلى پاتەردەگى جىلۋدى رەتتەمەۋگە شاقىردى.
ول ءۇشىن ارناۋلى قۇرىلعىلاردى ورناتىپ، ەنەرگيانى ۇنەمدەۋگە بولاتىنىن ايتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«20-21 گرادۋستى قۇرايتىن قالىپتى نورمالارعا ۇيرەنۋ كەرەك. قىستا بۇل تەمپەراتۋرا قالىپتى دەپ سانايمىز، سەبەبى رەسۋرستاردى ۇنەمدەۋ قاجەت. ءبىزدىڭ ەلدە ادامدار ۇيدەگى جوعارى تەمپەراتۋراعا ۇيرەنىپ العان. مۇنىڭ سالدارى جىلۋ بەرۋ جەلىلەرىنە تىم جوعارى سالماق ءتۇسىرىپ وتىر»، - دەدى ءا. قۋانتىروۆ.
ونىڭ ايتۋىنشا، جىلۋدىڭ قالىپتى دەڭگەيى 21 گرادۋس شاماسىندا.
“الايدا تۇرعىندار قىستا 23-25 گرادۋس جىلۋعا ۇيرەنىپ قالعاندىقتان، تەمپەراتۋرانى ءتيىستى نورماعا تۇسىرگەندە، شاعىمدانا باستايدى”، – دەدى مينيستر.