سەربيانىڭ بەلگراد قالاسىندا الەمنىڭ 9 ەلىنەن 98 وقۋشى قاتىسقان ەۋروپالىق گەوگرافيالىق وليمپيادا (EGeO) اياقتالدى.
وعان 6 وقۋشىدان تۇراتىن قازاقستان ۇلتتىق قۇراماسى دا قاتىسىپ، 6 مەدال جەڭىپ الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جەڭىمپاز وقۋشىلار:
- اقتوبە قالاسىنىڭ فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ (فمب نزب) 11-سىنىپ وقۋشىسى سانجار حاميتوۆ –– التىن مەدال؛
- استانا قالاسىنىڭ نزم 11-سىنىپ وقۋشىسى ايدا داۆلەتوۆا –– كۇمىس مەدال؛
- شىمكەنت قالاسىنىڭ حيميا-بيولوگيا باعىتىنداعى نازاربايەۆ زياتكەرلىك مەكتەبى (حبب نزم) 10-سىنىپ وقۋشىسى قانات سەرىكباي –– كۇمىس مەدال؛
- شىمكەنت قالاسىنىڭ حبب نزم 10-سىنىپ وقۋشىسى ارسەن سىدىقوۆ –– قولا مەدال؛
- اقتوبە قالاسىنىڭ فمب نزم 10-سىنىپ وقۋشىسى ءاليحان قالماعامبەتوۆ –– قولا مەدال؛
- جامبىل وبلىستىق دارىندى بالالارعا ارنالعان مامانداندىرىلعان «دارىن» ليسەي-ينتەرناتىنىڭ 10-سىنىپ وقۋشىسى سابىر جومارت –– قولا مەدال.
«EGeO 2015 جىلدان بەرى وتكىزىلىپ كەلەدى. وليمپيادا جازباشا تەستىلەۋ، مۋلتيمەديالىق تەست جانە دالالىق تۋردى قامتيدى. تاپسىرمالار تەك اعىلشىن تىلىندە بەرىلدى»، – دەيدى توپ جەتەكشىسى اباي دۇيسەن.
ايتا كەتەيىك، وتكەن جىلى قۇراما كوماندا 1 التىن، 1 كۇمىس جانە 4 قولا مەدال جەڭىپ العان بولاتىن.