بۇل تۋرالى ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«قوعامدىق ءتارتىپتى ساقتاۋ كەزىندە مىندەتتەرىن وتەۋ بارىسىندا قازا تاپقان اسكەري قىزمەتشىلەر، قۇقىق قورعاۋ جانە ارناۋلى مەملەكەتتىك ورگان قىزمەتكەرلەرىنىڭ بالالارى ۋنيۆەرسيتەتتە وقۋى ءۇشىن ءبىلىم گرانتىن بەرۋ ۇسىنىلادى. بۇل دا مەملەكەت باسشىسىنىڭ تاپسىرماسى اياسىندا جۇزەگە اسىرىلادى. ءبىلىم جانە عىلىم مينيسترلىگى پرەزيدەنتتىڭ بەرگەن تاپسىرمالارىن ۋاقىتىلى ءارى ساپالى جۇزەگە اسىرادى»، - دەدى مينيستر.
سونداي-اق ايماعامبەتوۆ جوعارى بىلىمگە قولجەتىمدىلىكتى ارتتىرۋ بويىنشا حالىق تىعىز ورنالاسقان وڭىرلەر مەن ءبىلىم بەرۋ سالاسىندا ۇلكەن الشاقتىعى بار وڭىرلەردە نىسانالى گرانت بولىنەتىنىن ايتتى.
«گرانتتار قازاقستاننىڭ جەتەكشى جوو-لارىندا وقۋ ءۇشىن بولىنەدى. ولار وقۋ بىتىرگەن سوڭ نەگىزگى تۇراتىن جەر بويىنشا جۇمىس وتەۋ كوزدەلەدى. پرەزيدەنتتىڭ تەحنيكالىق ماماندىققا باسىمدىق بەرۋ تاپسىرماسى نەگىزىندە بۇل سالاداعى گرانت سانى 60 پايىزعا كوبەيەدى»، - دەدى ول.