باعانىڭ قولجەتىمدىلىگىن قامتاماسىز ەتۋ بويىنشا ءىس-شارالار قابىلدانۋدا.
بۇل تۋرالى العاشقى ۇكىمەت وتىرىسىندا ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى باقىت سۇلتانوۆ مالىمدەدى، دەپ حابارلايدى Almaty-akshamy.kz
«ازىق-تۇلىك ينفلياسياسىن تەجەۋ جانە الەۋمەتتىك ماڭىزى بار تاۋارلاردىڭ باعالارىن مەملەكەتتىك رەتتەۋ شارالارىن كۇشەيتۋ اياسىندا جەرگىلىكتى اتقارۋشى ورگاندارمەن بىرلەسىپ، ازىق-تۇلىك تاۋارلارىنىڭ نەگىزگى تۇرلەرىنىڭ ناقتى جانە باعانىڭ قولجەتىمدىلىگىن قامتاماسىز ەتۋ بويىنشا ءىس-شارالار قابىلدانۋدا»، - دەپ اتاپ ءوتتى مينيستر.
ونىڭ ايتۋىنشا، ساۋدا مينيسترلىگى اۋىل شارۋاشىلىعى مينيسترلىگىمەن بىرلەسىپ، تاۋارلاردى ءوندىرۋ، تۇتىنۋ جانە قايتا ءبولۋ تەڭگەرىمدەرىنىڭ تولىق مونيتورينگىن قامتاماسىز ەتەتىن بولادى.
«ورتالىق ازيا ەلدەرىمەن ءوزارا ءىس-قيمىل اياسىندا يمپورتتالاتىن ازىق-تۇلىك تاۋارلارىن تارتۋ بويىنشا ءىس-شارالار قابىلدانۋدا. قاجەت بولعان جاعدايدا ەكسپورتتىق شەكتەۋ جونىندەگى ءىس-شارالار ۋاقتىلى قابىلدانادى. ءقازىردىڭ وزىندە مال مەن كوكونىس ەكسپورتىنا تىيىم سالىندى»، - دەدى باقىت سۇلتانوۆ.