كوپپاتەرلى باسقارۋ جانە ۇستاۋ پروسەستەرىنىڭ قارجىلىق اشىقتىعى قامتاماسىز ەتىلەدى
ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ مۇلىك يەلەرى بىرلەستىگىنە كوشۋدىڭ مەحانيزمىن ءتۇسىندىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
«تۇرعىن ۇي-كوممۋنالدىق شارۋاشىلىق ورتالىعى جەرگىلىكتى اتقارۋشى ورگاندار ۇسىنعان دەرەكتەر نەگىزىندە ءميب-تى جانە جس باسقارۋدىڭ جاڭا نىساندارىنا كوشۋ بويىنشا ستاتيستيكالىق دەرەكتەردى جۇرگىزەدى. ءاربىر وڭىردە جەرگىلىكتى اتقارۋشى ورگانداردا ميب جانە جس باسقارۋدىڭ جاڭا نىساندارىنا كوشۋ جونىندەگى جول كارتاسى بەكىتىلدى. باسقارۋدىڭ جاڭا نىساندارىنا جۇيەلى كوشۋ بويىنشا جۇمىس جالعاسۋدا»، - دەپ جازدى قايىربەك وسكەنبايەۆ دەپۋتاتتىق ساۋالعا بەرگەن جاۋابىندا.
مينيستر بيىلعى 22 ماۋسىمدا ق ر پارلامەنتى ءماجىلىسىنىڭ پلەنارلىق وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەلەكتر ەنەرگەتيكاسى، ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ، جەر قويناۋىن پايدالانۋ، جەرگىلىكتى مەملەكەتتىك باسقارۋ، مەملەكەتتىك شەكارا، تۇرعىن ۇيكوممۋنالدىق شارۋاشىلىق جانە عىلىم ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ماقۇلدانعانىن ەسكە سالدى. وسى زاڭ شەڭبەرىندە كوندومينيۋم وبەكتىسىن باسقارۋدىڭ جاڭا نىساندارىنا كوشۋ مەرزىمىن ۇزارتۋ جونىندەگى نورما زاڭعا ەنگىزىلدى.
«زاڭنىڭ نەگىزگى يدەيالارىنىڭ ءبىرى – تۇرعىندارعا ءوز ۇيلەرىن وزدىگىمەن نەمەسە جاسالعان كەلىسىم نەگىزىندە باسقارۋشى كومپانيالاردى نەمەسە كوپپاتەرلى تۇرعىن ءۇي مەنەدجەرىن تارتۋ ارقىلى باسقارۋ قۇقىعىن بەرۋ. بۇل رەتتە كوندومينيۋم وبەكتىسىن باسقارۋ نىسانىن تاڭداۋ تۋرالى شەشىم قابىلداۋ پاتەر، تۇرعىن ەمەس ءۇي-جايلاردىڭ مەنشىك يەلەرى جينالىسىنىڭ ايرىقشا قۇزىرەتىنە جاتقىزىلاتىنىن اتاپ وتەمىز»، - دەيدى مينيستر.
ول ءۇشىن پاتەرلەردىڭ، تۇرعىن ەمەس ءۇي-جايلاردىڭ مەنشىك يەلەرى جاي سەرىكتەستىك نەمەسە كوممەرسيالىق ەمەس ۇيىم-مۇلىك يەلەرىنىڭ بىرلەستىگىن (ميب) قۇرۋى ءتيىس.
«كوندومينيۋم وبەكتىسىن باسقارۋدىڭ ەكى فورماسى دا «ءبىر ءۇي – ءبىر بىرلەستىك نەمەسە جاي سەرىكتەستىك – ءبىر شوت» قاعيداتى بويىنشا جۇمىس ىستەيدى، بۇل مۇلىك يەلەرىنىڭ ءاربىر بىرلەستىگى، جاي سەرىكتەستىك ءوزىنىڭ اعىمداعى جانە جيناق شوتتارىن اشاتىنىن بىلدىرەدى. بۇل كوپپاتەرلى باسقارۋ جانە ۇستاۋ پروسەستەرىنىڭ قارجىلىق اشىقتىعى مەن اشىقتىعىن قامتاماسىز ەتۋگە مۇمكىندىك بەرەدى»، - دەدى ق. وسكەنبايەۆ.
بۇعان دەيىن پارلامەنت ميب-كە اۋىسۋ مەرزىمىن 2023 جىلدىڭ 1 شىلدەسىنە دەيىن ۇزارتقان ەدى.