مىندەتتى بەينەباقىلاۋ ەرەجەلەرى قابىلداندى

بەينەباقىلاۋ جۇيەسى تەرگەۋدىڭ رۇقسات ەتىلمەگەن ادىستەرىن بولدىرماۋعا كومەكتەسەدى.

بۇدان بىلاي پوليسيا عيماراتتارى، تەرگەۋ يزولياتورلار مەن تۇرمەلەردە بەينەباقىلاۋ جۇيەسى ورناتىلۋى قاجەت، دەپ حابارلايدى Almaty-akshamy.kz باس پروكۋراتۋراعا سىلتەمە جاساپ.

"بەينەباقىلاۋ جۇيەلەرى جەكە گيگيەنا ورىندارىن قوسپاعاندا، كەلۋشىلەردىڭ ءجۇرۋ مارشرۋتتارى مەن رەجيمدىك كابينەتتەردى دە قامتيدى. ناقتى ۋاقىت رەجيمىندە بەينەجازبالاردى قاشىقتان قاراۋعا جانە بۇزۋشىلىقتاردىڭ جولىن كەسۋ جونىندە جەدەل شارالار قابىلداۋعا قۇقىعى بار ادامداردىڭ تىزبەسى قالىپتاستىرىلدى"، - دەلىنگەن رەسمي حابارلامادا.

بۇل شارالار ازاپتاۋعا قارسى حالىقارالىق اكتىلەرگە سايكەس كەلەدى. وعان قازاقستان دا قوسىلعان. بەينەباقىلاۋ جۇيەسى تەرگەۋدىڭ رۇقسات ەتىلمەگەن ادىستەرىن بولدىرماۋعا كومەكتەسەدى.

بەينەجازبالاردى ادۆوكاتتار، جابىرلەنۋشىلەر، كۇدىكتىلەر، ايىپتالۋشىلار، سوت جانە باسقا ورگاندار دالەل رەتىندە پايدالانا الادى. ال ورگان باسشىلارى بەينەباقىلاۋ جۇيەلەرىنىڭ جارامدىلىق جاي-كۇيىن قامتاماسىز ەتۋگە جانە بەينە ءارحيۆتىڭ ساقتالۋىنا تىكەلەي جاۋاپتى بولادى.