11 ءىرى نىسانعا جالعان مينا قويعان
ەر ادام ءساۋىر ايىندا ءوزىنىڭ IT سالاسىنداعى ءبىلىمىن پايدالانا وتىرىپ، نۇر-سۇلتان مەن الماتى قالالارىنداعى 11 ءىرى نىسانعا «مينا قويىلعانى» تۋرالى حابارلاما تاراتقان، دەپ حابارلايدى Almaty-akshamy.kz.
ق ر ءىىم كولىكتەگى پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، بيىل ق ر قىلمىستىق كودەكسىنىڭ 273-بابى، ياعني تەرروريزم اكتىسى تۋرالى جالعان حابارلاۋ بويىنشا 22 قىلمىستىق قۇقىق بۇزۋشىلىق تىركەلدى.
دەپارتامەنتتىڭ ەكسترەميزمگە قارسى ءىس-قيمىل باسقارماسىنىڭ باستىعى ەرلان ءالىموۆتىڭ ايتۋىنشا، بۇلاردىڭ باسىم كوپشىلىگى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
ەرلان ءالىموۆ بيىلعى شىلدە ايىندا نۇر-سۇلتان قالاسى ەسىل اۋدانى №2 سوتىنىڭ شەشىمىمەن قوستاناي وبلىسىنىڭ 36 جاستاعى تۇرعىنى ق ر قك 273-بابىندا كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 1 جىل 6 اي مەرزىمگە باس بوستاندىعىنان ايىرۋ جازاسى تاعايىندالعانىن جەتكىزدى.
اتالعان ەر ادام ءساۋىر ايىندا ءوزىنىڭ IT سالاسىنداعى ءبىلىمىن پايدالانا وتىرىپ، نۇر-سۇلتان مەن الماتى قالالارىنداعى 11 ءىرى نىسانعا «مينا قويىلعانى» تۋرالى حابارلاما تاراتقان.
«سونىمەن قاتار، ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى دەسترۋكتيۆتى ءدىني اعىمداردى ۇستانۋشىلار جاساعان 27 اكىمشىلىك قۇقىق بۇزۋشىلىقتى انىقتادى. بۇعان قوسا، تەمىرجول ۇيىمدارى قىزمەتكەرلەرىنىڭ الەۋمەتتىك جەلىلەرىندەگى جەكە پاراقشالارىندا ءدىني ماتەريالداردى ساقتاۋدىڭ 5 دەرەگى بەلگىلى بولدى. بارلىق قۇقىق بۇزۋشىلىقتار بويىنشا ق ر اقبك 490، 453-باپتارىمەن اكىمشىلىك جاۋاپكەرشىلىك شارالارى قولدانىلدى جانە سوت ءارقايسىسىنا اكىمشىلىك ايىپپۇل سالدى»، - دەپ تۇيىندەدى ءسوزىن پوليسيا پولكوۆنيگى.