ميلليونىنشى تۋريست قىركۇيەكتىڭ سوڭعى كۇنىندە eQonaq اقپاراتتىق جۇيەسىندە تىركەلدى، دەپ حابارلايدى almaty-akshamy.kz Kazakh Tourism باسپا ءسوز قىزمەتىنە سىلتەمە جاساپ.
قىتايدان كەلگەن تۋريست الماتىعا 4 كۇنگە كەلىپ، Rahat Palace Hotel قوناق ۇيىندە ايالدادى.
جالپى جۇڭگو ەلىنەن كەلگەن قوناقتار بارلىق شەتەلدىك قوناقتار اراسىندا ءۇشىنشى ورىندا.
جىل باسىنان بەرى eQonaq-تا قىتايدان 70 مىڭنان استام تۋريست تىركەلدى.
ءبىرىنشى جانە ەكىنشى ورىندا رەسەي مەن وزبەكستاننان كەلگەن تۋريستەر ورنالاسقان.
ۇزدىك 10 ەلگە ءۇندىستان، قىرعىزستان، تۇركيا، تاجىكستان، گەرمانيا، موڭعوليا جانە اقش تۋريستەرى كىرەدى.
شەتەلدىك قوناقتاردىڭ كوپشىلىگى الماتىعا – 343 مىڭ تۋريست جانە استاناعا – 174 مىڭ تۋريست كەلدى.
توپ-5 باعىتقا الماتى وبلىسى كىرەدى، وعان 62 مىڭ تۋريست كەلدى، ودان بولەك اتىراۋ وبلىسىنا – 58 مىڭ تۋريست جانە ماڭعىستاۋ وبلىسىنا – 52 مىڭ تۋريست كەلگەن.
Kazakh Tourism تۋريزم جانە سپورت، ىشكى ىستەر مينيسترلىكتەرىمەن جانە ۇلتتىق قاۋىپسىزدىك كوميتەتىمەن بىرلەسىپ ازىرلەگەن eQonaq اقپاراتتىق جۇيەسى شەتەلدىك قوناقتاردى ەسەپكە الۋعا جانە تۋريستىك اعىمنىڭ مونيتورينگىنە ارنالعان.
جۇيە كوشى-قوندى باقىلاۋ مىندەتىن دە ورىندايدى.