ەلىمىزدىڭ فەرمەرلەرى ءسۇت وندىرۋدەگى بىلىكتىلىگىن ارتتىرادى

توقايەۆتىڭ گەرمانياعا ساپارىندا ءۇشجاقتى ىنتىماقتاستىق كەلىسىمگە قول قويىلدى.

ءسۇت ءوندىرۋ سالاسىنداعى بىلىكتىلىكتى ارتتىرۋ الماتى وبلىسىنداعى "بايسەركە اگرو" وقۋ-عىلىمي-وندىرىستىك ورتالىعىنىڭ بازاسىندا وتەدى، دەپ حابارلايدى Almaty-akshamy.kz

"GFA Consulting Group GmbH (گەرمانيا)، قازاق اگروتەحنيكالىق ۋنيۆەرسيتەتى جانە "بەيسەركە اگرو" حولدينگى اراسىندا مال شارۋاشىلىعى سالاسىندا جۇمىسشىلاردى دايارلاۋ سالاسىنداعى ىنتىماقتاستىق تۋرالى ءۇشجاقتى كەلىسىمگە قول قويىلدى. كەلىسىم اياسىندا ءسۇت وندىرۋشىلەرگە ارنالعان كونسۋلتاسيالىق-وقىتۋ ورتالىعى اشىلادى. جوبانىڭ باستاماشىسى ق ر اۋىل شارۋاشىلىعى مينيسترلىگى"، - دەلىنگەن ۆەدومستۆو تاراتقان اقپاراتتا.

فەرمەرلەر مەن اۋىل شارۋاشىلىعى قىزمەتكەرلەرىن وقىتۋ ءۇشىن اگروحولدينگ ينفراقۇرىلىمدى 30 ورىندىق دايىن جاتاقحانامەن، اسحانامەن، تەوريالىق كابينەتتەرمەن، تاجىريبە داعدىلارىن مەڭگەرۋ ءۇشىن ساۋىننىڭ زاماناۋي تۇرلەرى بار ءسۇت فەرماسىمەن قامتاماسىز ەتەدى.

ءدال وسىنداي ورتالىق ءقازىردىڭ وزىندە ەلىمىزدىڭ سولتۇستىگىندە جۇمىس ىستەيدى. وندا اقمولا، قوستاناي، پاۆلودار جانە سولتۇستىك قازاقستان وبلىستارىنداعى 16 تاجىريبەلىك شارۋاشىلىقتىڭ ماماندارى ءبىلىم الىپ جاتىر. تاجىريبە جۇمىسى سيىرلاردىڭ ونىمدىلىگىن ارتتىرۋعا، جەم-شوپكە تالداۋ جۇرگىزۋگە، فەرماداعى جۇمىس حاتتاماسىن قۇرۋعا جانە ورىنداۋعا باعىتتالعان.