ميكروپلاستيكتىڭ قان تامىرىن بىتەيتىنى انىقتالدى

بەيجىڭ ۋنيۆەرسيتەتىنىڭ حايبەن حۋان ەسىمدى عالىمى باستاعان توپ العاش رەت ميكروپلاستيك بولشەكتەرىنىڭ تىشقانداردىڭ ورگانيزىمىندە قالاي قوزعالاتىنىن تاسپاعا تارتىپ الدى.

ورگانيزمدەگى ميكروپلاستيكتىڭ بارلىق «ساياحاتىن» ناقتى ۋاقىت ارالىعىندا باقىلاپ، قورقىنىشتى قورىتىندىعا كەلدى.

بۇل جايىندا aqshamnews.kz islam.kz پورتالىنا سىلتەمە جاساپ. 

قورشاعان ورتادا، دالىرەگى، سۋدا دا، توپىراقتا دا، اعاشتا دا، ءتىپتى، بۇلت دا، اۋادا دا كەزدەسەتىن، كولەمى 0،001-دەن 5 ميلليمەترگە دەيىن بولاتىن ميكروپلاستيك ادام ورگانيزىمىندە جينالا كەلە دەنساۋلىعىنا زيان كەلتىرەدى. ماسەلەن، ماي قاتپارىندا جينالعان ميكروپلاستيك جۇرەك تالماسى سەكىلدى ءقاۋىپتى اۋرۋلارعا ۇرىندىرادى.

 بۇل باعىتتاعى تاجىريبە بارىسىندا زەرتحاناداعى تىشقاننىنڭ ورگانيزىمىنە ەنگىزىلگەن ميكروپلاستيكتى فلۋورەسەنتتى ۆيزۋالداۋ ادىسىمەن باقىلاعان ەكەن: يممۋندىق جاسۋشا ميكروپلاستيكتى جۇتقاننان كەيىن قان تامىرلارىن بىتەپ تاستاعان. سونىڭ سالدارىنان كەمىرگىشتىڭ ميىنا باراتىن قان مولشەرى ازايىپ، قوزعالۋ قابىلەتىنە كەدەرگى كەلتىرگەن. بۇل حال بىرنەشە كۇنگە سوزىلعان. بۇل پروسەسس، ءبىر جاعىنان، ۇيىپ قالعان قان تۇيىرشىگىن ەسكە تۇسىرەدى. وسىلايشا قان اينالىمىنا كەدەرگى كەلتىرەدى.