سوڭعى 50 جىلدا ميكروپلاستيكامەن لاستانۋدىڭ ەكسپونەنسيالدى ءوسۋ قارقىنى ادام ميىنداعى قۇرامىنىڭ ۇلعايۋىنا دا اسەر ەتۋى مۇمكىن، ياعني، جىلدان جىلعا قورشاعان ورتانىڭ ميكروپلاستيكپەن لاستانۋ دەڭگەيىنىڭ ءوسۋ كورسەتكىشى ارتىپ كەلەدى، وسىعان بايلانىستى ادام مەن وزگە دە تىرشىلىك يەلەرىنىڭ ورگانيزىمىنە دە جينالاتىن ميكروپلاستيك مولشەرى ارتا بەرەدى.
بۇل جايىندا islam.kz پورتالى مالىمدەگەن، دەپ حابارلايدى aqshamnews.kz.
عالىمدار بۇل باعىتتا 1997-2024 جىلدار ارالىعىندا قايتىس بولعان ونداعان ادام مايىتىنەن الىنعان مي تىندەرىندە ميكرو جانە نانوپلاستيكانىڭ شوعىرلانۋ دەڭگەيىنىڭ ارتقانىن انىقتادى. سونداي-اق، ميكروپلاستيك باۋىر مەن بۇيرەك ۇلگىلەرىنەن دە تابىلعان.
بۇدان بولەك، الجۋ اۋرۋىنا ۇشاراعان ناۋقاستار ميىنىڭ ميكروپلاستيكپەن لاستانۋ دەڭگەيىنىڭ التى ەسە جوعارى كەلەتىنى دە بەلگىلى بولدى. ماماندار ميداعى ميكروپلاستيكانىڭ ورتاشا مولشەرىن شامامەن جەتى گرامم بولاتىنىن انىقتادى. بۇل كورسەتكىش ءبىر جولعى قولدانىلاتىن شاي قاسىقتىڭ سالماعىنا تەڭ.
ورتالىق جۇيكە جۇيەسiندەگi بۇل بولشەكتەردiڭ شوعىرلانۋ دەڭگەيى باۋىر مەن بۇيرەكتەرگە قاراعاندا 7-30 ەسە جوعارى بولىپ شىقتى. ميكروپلاستيك بۇگىندە ادامزاتقا ءقاۋىپ توندىرگەن لاستاۋشى زاتتاردىڭ الدىڭعى قاتارىندا تۇر. بۇعان قوسا، ميكروپلاستيك تەك بىردە-ەكىلى دەرتكە عانا قالدىقتىرىپ قويماي، ننيەۆرولوگيالىق، جۇرەك-قان تامىر اۋرۋلارىنان باستاپ، تۇسىك بولۋ، قان تامىرلارىن زاقىمداۋ، ت.ب. سەكىلدى ءتۇرلى اۋرۋلارعا باستايدى. ميعا شوعىرلانعان ميكروپلاستيكتىڭ مولشەرى باۋىر مەن بۇيرەككە جانە وزگە اعزالارعا قاراعاندا جوعارى بولاتىنى انىقتالىپ وتىر.