كەيبىر ادامدار «مكۇ جابىلسا، قارىز تولەۋ مىندەتتى ەمەس» دەپ ويلايدى. ءبىراق بۇل – قاتە تۇسىنىك. قارجى نارىعىن رەتتەۋ جانە دامىتۋ اگەنتتىگى قارىز الۋشىنىڭ العان اقشاسىن تولىق قايتارۋعا مىندەتتى ەكەنىن ەسكەرتەدى، دەپ حابارلايدى aqshamnews.kz
ەگەر ميكروكرەديت ۇيىمىنىڭ ليسەنزياسى توقتاتىلسا نەمەسە ۇيىم جابىلسا، ونىڭ قارىزدارى باسقا قارجى ۇيىمدارىنا نەمەسە كوللەكتورلارعا بەرىلۋى مۇمكىن. بۇل پروسەسس كەلەسىدەي جۇرەدى:
قارىز باسقا ۇيىمعا بەرىلەدى – مقۇ ءوز اكتيۆتەرىن بانكتەرگە، كوللەكتورلىق اگەنتتىكتەرگە نەمەسە باسقا قارجى ۇيىمدارىنا ساتا الادى. بۇل جاعدايدا قارىزدى جاڭا كرەديتورعا تولەۋ كەرەك بولادى.
قارىزدى ءوندىرىپ الۋ – ەگەر كومپانيا تولىقتاي جابىلسا، ونىڭ مۇلكى مەن اكتيۆتەرى ساتىلىپ، بەرەشەكتەردى ءوندىرىپ الۋ جۇرگىزىلەدى.
قازاقستاندا مۇنداي جاعدايلار ءجيى كەزدەسەدى. 2024 جىلى 17 ميكروكرەديت ۇيىمى ءوز ەركىمەن ليسەنزيادان باس تارتتى، ال 12 ۇيىم زاڭ بۇزعانى ءۇشىن جابىلدى.
مقۇ-نىڭ زاڭدى ەكەنىن قالاي تەكسەرۋگە بولادى؟
قارىز الاردا ۇيىمنىڭ قارجى نارىعىن رەتتەۋ جانە دامىتۋ اگەنتتىگىنىڭ تىزىمىندە بار-جوعىن تەكسەرىڭىز.
نەسيە الاردا نەنى ەسكەرۋ كەرەك؟
- پايىزدىق مولشەرلەمەنى تەكسەرىڭىز
- تولەۋ مەرزىمىن ناقتىلاڭىز
- ايىپپۇلدار مەن قوسىمشا شارتتاردى مۇقيات وقىڭىز
قازاقستاندا 900-دەن استام ميكروكرەديت ۇيىمى بار، سوندىقتان قارىز الۋ كەزىندە مۇقيات بولۋ وتە ماڭىزدى.