Apple بيىل AirPods قۇلاققاپتارىنا ەكەۋارا اڭگىمەنى تىكەلەي اۋداراتىن جاڭا فۋنكسيا ەنگىزۋدى جوسپارلاپ وتىر. بۇل مۇمكىندىك شەتەل ءتىلىن بىلمەيتىندەر ءۇشىن وتە پايدالى بولماق. ەندى ءسىز باسقا تىلدە سويلەيتىن اداممەن اڭگىمەلەسكەندە ەشقانداي قيىندىق بولمايدى – AirPods قۇلاققاپتارى اڭگىمەنى ءدال سول ۋاقىتتا اۋدارىپ بەرەدى، دەپ حابارلايدى aqshamnews.kz.
جاڭا فۋنكسيا قالاي جۇمىس ىستەيدى؟
- ەگەر ءسىز قازاقشا سويلەسەڭىز، iPhone ءسىزدىڭ ءسوزىڭىزدى اۋدارىپ، سۇحباتتاسۋشىڭىزعا ونىڭ انا تىلىندە جەتكىزەدى.
- سول سياقتى، ەگەر ءسىز اعىلشىن تىلىندە سويلەسسەڭىز، ءسىز ونى قازاق تىلىندە ەستيسىز.
- بارلىعى ناقتى ۋاقىت رەجيمىندە جۇرەدى، سوندىقتان اڭگىمە تابيعي ءارى ەركىن بولادى.
بۇل جاڭا فۋنكسيا iOS 19 جاڭارتىلعان كەزدە پايدا بولادى. بۇعان دەيىن وسىنداي فۋنكسيا Google Pixel Buds قۇلاققاپتارىندا بولعان، ءبىراق Apple ءوز تەحنولوگياسىن مەيلىنشە ىڭعايلى ءارى جىلدام ەتىپ جاساۋعا باعىتتالعان.
Apple كومپانياسى ءوز قۇلاققاپتارىنا ۇنەمى جاڭا فۋنكسيالار قوسىپ وتىرادى. جاڭا اۋدارما فۋنكسياسىن پايدالانۋ ءۇشىن جاڭا AirPods ساتىپ الۋدىڭ قاجەتى جوق – ول قۇلاققاپتىڭ باعدارلامالىق جاڭارتۋى ارقىلى قوسىلادى.
سونىمەن قاتار، Apple ءۇشىنشى بۋىن AirPods Pro مودەلىن دايىنداپ جاتىر. بۇل جاڭا قۇلاققاپتار جاساندى ينتەللەكتپەن جابدىقتالىپ، قورشاعان ورتانى ساراپتاي الاتىن ارنايى كامەرالارمەن كەلەدى.
Appleء-دىڭ باسقا جاڭالىقتارى:
- ەستۋ قابىلەتى تومەن ادامدار ءۇشىن AirPods-قا ارنايى ەستۋ تەستىلەۋ فۋنكسياسى ەنگىزىلدى.
- بىلتىر Apple AirPods Max قۇلاققاپتارىن جاڭا تۇستەرمەن شىعاردى.
- 2024 جىلى ارزان AirPods 4 ۇلگىسى ساتىلىمعا شىقتى.
- جاقىندا Apple ەڭ قولجەتىمدى iPhone 16E سمارتفونىن تانىستىردى، ول ەندى قازاقستانعا دا جەتتى.
بۇل جاڭالىقتار مەن جاڭا مۇمكىندىكتەر Apple ونىمدەرىن قولدانىپ جۇرگەندەر ءۇشىن ۇلكەن وزگەرىس اكەلمەك.