Neurology جۋرنالىندا جاريالانعان ۇسىنىستار كوگنيتيۆ دەنساۋلىقتى ءاردايىم ساقتاۋعا، جۇيكە اۋرۋلارىنىڭ ءقاۋپىن ازايتۋعا كومەكتەسەدى.
امەريكانىڭ نيەۆرولوگيا اكادەمياسى ميدىڭ ساۋلىعىنا اسەر ەتەتىن 12 فاكتوردى اتادى.
مي ساۋلىعىنىڭ نەگىزگى فاكتورلارى:
ۇيقى. دۇرىس ۇيقى – ميدى قالپىنا كەلتىرۋدىڭ نەگىزى. ۇيقىدان كەيىن ءوزىڭىزدى جايلى، تىنىققان ادام سياقتى سەزىنۋىڭىز كەرەك.
ەموسيا ساۋلىعى. سوزىلمالى سترەسس، ۇرەي نەمەسە دەپرەسسيا ميدىڭ جۇمىسىن ناشارلاتۋى مۇمكىن.
تاماقتانۋ. دۇرىس تاماقتانۋ كوگنيتيۆتى فۋنكسيانى جاقسارتادى. تاعامىڭىزدا قورەكتىك زاتتار مەن دارۋمەندەر جەتكىلىكتى بولسىن.
دەنە بەلسەندىلىگى. قيمىل-قوزعالىس قان اينالىمىن جاقسارتادى جانە نەيرونداردى قورعايدى.
الەۋمەتتىك بەلسەندىلىك. جاقىن ادامداردىڭ جاناشىرلىعى، مەيىرىم پسيحيكا ساۋلىعى ءۇشىن ماڭىزدى.
جاراقاتتانۋدىڭ الدىن الۋ. باس جاراقاتىن بولدىرماۋعا تىرىسىڭىز، كولىكتە قاۋىپسىزدىك بەلدىگىن تاعىڭىز، موتوسيكلدە شلەم كيۋ كەرەك.
قان قىسىمىن باقىلاۋ. جوعارى قان قىسىمى ميعا تەرىس اسەر ەتەدى. ۇنەمى ولشەپ ءجۇرىڭىز.
مەتابوليكا. قانت پەن حولەستەرين قالىپتى بولسا، نيەۆرولوگيالىق اۋرۋلاردىڭ ءقاۋپى ازايادى.
ەمدەۋ رەجيمىن ساقتاۋ. دارى-دارمەكتى ءجون-جوسىقسىز پايدالانۋعا بولمايدى.
ۆاكسيناسيا. ەكپەلەر ميعا اسەر ەتەتىن ينفەكسيالاردان قورعاۋعا كومەكتەسەدى.
زياندى ادەتتەن اۋلاق بولۋ. شىلىمنان باس تارتۋ، الكوگولدى شامادان تىس تۇتىنباۋ ماڭىزدى.
الەۋمەتتىك فاكتورلار. ءقاۋىپسىز باسپانا، مەديسينالىق كومەكتىڭ قولجەتىمدى بولعانى جاقسى.