مەترولوگيا سالاسىندا مامان تاپشى

مەترولوگيا سالاسىن تۇبەگەيلى سيفرلاندىرۋ كەرەك.

ايتپەسە الەمدىك كوشكە ىلەسۋ مۇمكىن ەمەس. تاۋار الماسۋدا ولشەم سايكەستىگى ماڭىزدى ءرول اتقارادى. ەلوردادا قازاقستان مەترولوگياسىنىڭ 100 جىلدىعىنا ارنالعان حالىقارالىق كونفەرەنسيا ءوتتى، دەپ حابارلايدى Almaty-akshamy.kz.

وعان 15 ەلدىڭ دەلەگاتتارى، 300-دەن استام زەرتتەۋشى- عالىمدار مەن ساراپشىلار قاتىستى. مەترولوگيا – كەز كەلگەن سالاعا قاجەت تەرمين. ساۋدا، مەديسينا، ءونىم ساپاسى مەن قاۋىپسىزدىگىنە جاۋاپ بەرەدى. سوندىقتان ءبىزدىڭ تاۋارلار ەكسپورتتالاتىن ەلدەر الدىمەن وسى باعىتتاعى قۇجاتتاردى سۇرايدى. جيىندا ءبىرقاتار شەتەلدىك كومپانيالارمەن كەلىسسوز جۇرگىزىلدى. ماسەلەن، ساۋد ارابياسىمەن حالال سەرتيفيكاتىنا قاتىستى مەموراندۋم جاساستى. سەبەبى سالاعا قاجەت مامان تاپشى.

«وسى فورۋم بارىسىندا بىزدەر مەموراندۋم جاسادىق. ەڭ بىرىنشىدەن، ساۋد ارابياسىنىڭ ۇلتتىق مەكەمەسىمەن مەموراندۋم قاراستىردىق حالال مەترولوگيا سالاسىنا بايلانىستى. ياعني، جاڭاعى تاجىريبە الماسۋ، وقىتۋعا بايلانىستى»، - دەيدى «قازستاندارت» مەملەكەتتىك ەتالوندار دەپارتامەنتىنىڭ باسشىسى گۇلايحان سۇيەۋبايەۆا.