ارگەنتينا قۇراماسىنىڭ سۋپەرجۇلدىزى ليونەل مەسسي 2026 جىلعى الەم چەمپيوناتىنا ىرىكتەۋ ويىنى كەزىندە ۋرۋگۆايلىق ويىنشىلارمەن جانجالداسىپ قالدى، دەپ حابارلايدى اlmaty-akshamy.kz.
قازىرگى الەم چەمپيوندارى 2026 جىلعى الەم چەمپيوناتىنا ىرىكتەۋ كەزەڭىندە ۋرۋگۆاي قۇراماسىنان كۇتپەگەن جەڭىلىسكە ۇشىرادى (0:2)، ال كوماندا كاپيتانى مەسسي ويىن كەزىندە توبەلەسكە ۇلاستى.
«20-مينۋتتا ۋرۋگۆاي ۇلتتىق قۇراماسىنىڭ قورعاۋشىسى ماتياس وليۆەرا مەن ارگەنتينا قۇراماسىنىڭ جارتىلاي قورعاۋشىسى رودريگو دە پول اراسىندا قىزۋ داۋ تۋىندادى. العاشىندا بۇل جاي عانا اۋىزشا ۇرىس بولعانىمەن، كەيىن وقيعاعا ارگەنتينا قۇراماسىنىڭ كاپيتانى مەسسي قوسىلىپ، فيزيكالىق ارەكەتكە كىرىستى. مەسسي الدىمەن وليۆەردى شىنتاعىمەن كەۋدەسىنەن ۇردى، سودان كەيىن سول قولىمەن ۋرۋگۆايلىقتىڭ موينىنان ۇستادى»، - دەپ جازدى si.com.
بۇل ارەكەتى ءۇشىن مەسسي تورەشىلەردەن ەسكەرتۋ الماي، ماچتى تولىقتاي الاڭدا وتكىزدى. ەپيزود كورسەتىلىپ، جانكۇيەرلەر جۇلدىزدى شابۋىلشىنىڭ ارەكەتىنە تاڭدانىستارىن ءبىلدىردى. الەۋمەتتىك جەلىلەردە «مەسسي اقىلىنان اداستى»، «كاپيتاننان بۇنى كۇتكەن جوقپىز»، «مەسسي اشۋلى، گول سوعاتىن كەز كەلدى» دەپ ايقايلايدى.