جىلىنا ەكى مىڭعا جۋىق كولىك وتقا ورانادى

جىل سايىن ورتاشا ەسەپپەن ەلىمىزدە 2 مىڭعا جۋىق كولىك  ورتەنەدى.

بۇل تۋرالى ق ر تجم باسپا ءسوز قىزمەتى مالىمدەدى، دەپ حابارلايدى Almaty-akshamy.kz.

«تەك 2023 جىلدىڭ 10 ايىندا كولىكتەردە  1 811 ءورت ورىن الدى.  2022 جىلدىڭ ۇقساس كەزەڭىمەن سالىستىرعاندا ءورت سانى 14%-عا ازايدى (2022ج. - 2 118). بۇل ءورتتىڭ نەگىزگى ۇلەسى جەڭىل كولىكتە، بۇل 1 392 جاعداي نەمەسە كولىكتەگى ءورتتىڭ جالپى سانىنىڭ 77%. سوڭعى جىلداردا بۇل كورسەتكىش كولىك قۇرالدارىنداعى ءورتتىڭ جالپى سانىنىڭ 15-20%-ىن يەلەنسە،  تۇرعىن ءۇي سەكتورى وبەكتىلەرىنەن كەيىن جيىلىگى بويىنشا تۇراقتى ەكىنشى ورىندى الادى»، - دەلىنگەن حابارلامادا.

كولىك قۇرالدارىندا ورتتەردىڭ پايدا بولۋىنىڭ نەگىزگى سەبەپتەرى:

- اۆتوكولىك قۇرالىنىڭ ەلەكتر جابدىعىن ورناتۋ جانە پايدالانۋ قاعيدالارىن بۇزۋ؛

- قولدان جاسالعان  گاز جابدىعىن ورناتۋ؛

- وتىن جانە ەلەكتر جۇيەسىنىڭ ىستەن شىعۋى؛ - قوزعالتقىشتاردى اشىق وت كوزدەرىمەن جىلىتۋ؛

- قاساقانا ورتەۋ.

كولىك قۇرالدارىندا ورتتەردىڭ تۋىنداۋىنىڭ الدىن الۋ ولاردىڭ تۋىنداۋ سەبەپتەرىن بولدىرماۋعا باعىتتالۋى ءتيىس. اۆتوكولىك يەلەرىنە ءورت قاۋىپسىزدىگى شارالارىن ساقتاۋدى جانە قولىندا جارامدى ءورت سوندىرگىشتى ۇستاۋدى ۇسىنامىز - دەيدى تجم ماماندارى.